A do ta braktisë Fatmiri Lali Erin për një mandat tjetër?

12 Shtator 2024, 11:32, Editorial CNA

A do ta braktisë Fatmiri Lali Erin për një mandat tjetër?

Erion Veliaj dhe Fatmir Xhafaj

Fatmir Xhafaj u përmend nominalisht nga Rama kur ky i fundit konfirmoi që Xhafaj do të vazhdonte të drejtonte komisionin "Antikorrupsion". (Lexo këtu)

Se sa antikorrupsion është Fatmir Xhafaj si pronar në hije me kompani ndërtimi dhe agroturizëm, nuk ka mbetur buf pa e kuptuar.

Por nominimi i Ramës i shërben Fatmir Xhafajt si relaksues për hipotezën e futjes së tij sërish në listë zjarri për zgjedhjet e përgjithshme për Kuvendin.

Rama nuk e listoi Fatmir Xhafajn te lista e emrave që do të përfshihen në zonën e sigurt të listës.

Fatmir Xhafaj dhe Edi Rama. Burimi: LSA

Rama tha që Fatmir Xhafaj do të vazhdonte të mbetej kryetar i komisionit "Antikorrupsion" për të përfunduar misionin e nisur.

Kjo fjali nga Xhafaj përkthehet minimalisht si nevojë e tij personale, që Komisioni të mos arrijë rezultate brenda këtij mandati. Në këtë mënyrë e vetmja mundësi që ka Rama që të ia mos presë në mes Xhafajt ëndrrën antikorrupsioniste, është që ta vendosë në listë në zonën e gjelbër.

Fatmir Xhafaj dhe portali tek i cili është bashkëpronar në hije bashkë me Lali Erin, prej muajsh janë vënë në shërbim të kauzave të të korruptuarve. (Lexo këtu)

Erion Veliaj dhe Fatmir Xhafaj

Mbrojtja e pronarëve në letra të inceneratorit të Tiranës, është e mjaftueshme për të kuptuar se kush është pronari faktik i atij inceneratori. (Lexo këtu)

Kush më shumë sesa pronari faktik është i interesuar të mbrojë edhe mediatikisht një prestanome?

Fatmir Xhafaj, më shumë sesa një herë, është duartrokitur nga Lali Eri dhe portali në fjalë si njeriu që do t'ia tregonte qejfin SPAK-ut që po i binte më qafë pak si shumë Erion Veliajt me soj e sorrollop. (Lexo këtu)

Duartrokitjet, si rregull bëhen për udhëheqësin, ndaj ne që në atë kohë kemi cilësuar se Fatmir Xhafaj po sillej si koka e skemës "5D". (Lexo këtu)

Fatmir Xhafaj

Duartrokitjet në nivelin e adhurimit, minimalisht flasin për këshilluesin e grupit të organizuar kriminal, por kur ky i adhuruari rezulton që të jetë edhe pronar në hije me kompani ndërtimi, atëherë bëhet e qartë që roli nuk ndalet te dhënia e këshillave atërore.

Por kohët kanë ndryshuar!

Jemi në vigjiljen e listave për deputetë. Halli më i ri bën të harrohet i vjetri. Fatmir Xhafaj ka harruar si është koha kur nuk ishte deputet. Dhe Fatmiri e di (se e ka bërë edhe vetë sa herë ka pasur rast) se çfarë të ndodh "kur të rrëshqet një çikë këmba".

Ndaj Fatmir Xhafaj sot është mes dilemës së mbështetjes pa kushte ndaj Lali Erit, apo devijimit të të gjitha energjive të veta për sigurimin e mandatit personal.

A do ta braktisë Fatmiri Lali Erin për një mandat tjetër?

Fatmir Xhafaj e di që Lali Eri do të bindet që nga gjithë grupi i organizuar kriminal, duhet ruajtur të paktën njëri që grupi të vazhdojë të sigurojë një tub ajrimi me pushtetin. (Lexo këtu)

Ndaj kur Fatmir Xhafaj ta braktisë (për nja 6 muaj), sa të kapë një mandat në zonë të sigurtë, Lali Eri do të rrijë urtë. Sa kohë që qoftë edhe një anëtar i bandës mbetet gjallë në pushtet edhe për bandën ka shpresë.

Të tjerët duhet të sakrifikojnë ose të sakrifikohen./ CNA