web counter
LEXO PA REKLAMA!

SHKARKO APP

App Store
Google Play

Fatmir Xhafaj nuk ndryshon dot asgjë, as fatin e bandës "5D"

17 Korrik 2024, 14:52, Politikë CNA
Fatmir Xhafaj nuk ndryshon dot asgjë, as fatin e bandës "5D"
Fatmir Xhafaj

Fatmir Xhafajt i paska shpëtuar goja! Pasi thotë që është ai që ndryshoi ligjin, institucionet dhe infrastrukturën, deklaroi se është ai,(d.m.th. mazhoranca që udhëheq ai) që ndryshoi edhe njerëzit brenda sistemit të drejtësisë. (lexo këtu)

Nuk kishte ndonjë dilemë sa kohë që e gjithë shoqëria e Fatmir Xhafajt përfunduan në zyra të superpaguara në nivelet e larta të sistemin gjyqësor.(lexo këtu)

"Ekpertët" e zgjedhur nga Xhafaj, sot presin pensionin në karrige ku u ndalohej të uleshin. Në kundërshtim me Kushtetutën dhe ligjet e liderit të PS-së, Xhafaj, Sadushi, Panda, Rakipi, Ibrahimi dhe të tjerë që i shërbyen si stilolaps Fatmirit, pushtuan Gjykatën e Lartë dhe atë Kushtetuese. (lexo këtu)

Për këta e ka fjalën Fatmiri kur thotë se paska ndryshuar njerëzit brenda sistemit?

"Vërtet jemi duke ndryshuar shumë gjëra, ligjin, institucionet, infrastrukturën apo dhe njerëzit brenda sistemit, ama nuk kemi ndryshuar ende sa dhe si duhet qasja dhe kultura e këtyre njerëzve që japin drejtësi dhe gjithë atyre që shërbejnë në sistemin e drejtësisë. Kjo nuk është vetëm çështje ligji, godinash apo financash, por vullneti, devotshmërie, besimi dhe kohe kur Kushtetuta dhe ligji kanë garantuar një drejtësi të pavarur dhe çdo person për vendimmarrjen e saj është i dënueshëm, por ama është fakt se kemi jo pak probleme sot brenda sistemit", tha Xhafaj. 

Fatmir Xhafaj nuk ndryshon dot asgjë, as fatin e bandës "5D"
Fatmir Xhafaj gjatë fjalës në Kuvend

Por halli i Xhafajt në fakt janë prokurorët. Sipas asaj që thotë vetë ai, ata e paskan keqkuptuar pavarësinë. (lexo këtu)

Gjatë raportimit në Kuvend, të vetmit prokurorë prezentë ishin ata të SPAK-ut. I vetmi që mbështeti veprimtarinë e institucionit që përfaqëson, te pavarësia bazuar mbi ligjin, ishte Altin Dumani. (lexo këtu)

Por Xhafaj nuk ka burrëri të flasë me emra. Ndryshe do të duhet të listonte jo vetëm emrat e atyre që sipas Xhafajt po abuzokan me pavarësinë, por edhe të të dëmtuarve prej abuzimit me pavarësinë.

Ndaj emrat po i shkruajme ne:
Prokuroria që ka shqetësuar Xhafajn quhet SPAK! Prokurori që Xhafaj do të donte ta ndryshonte quhet Altin Dumani!(lexo këtu)

Të dëmtuarit nga SPAK-u janë banda e ish-drejtorëve të Bashkisë Tiranë, Erion Veliaj, dhe dhëndri i Xhafajt. (lexo këtu)

Nëse Xhafaj merr përsipër të flasë në emër të publikut, e sqarojmë se publiku është me SPAK-un dhe Altin Dumanin dhe jo me Xhafajn, lali Erin dhe ish-drejtorin e Urbanistikës në Bashkinë Tiranë dhe ende dhëndër i Fatmir Xhafajt.(lexo këtu)

"Gjyqtarë dhe sidomos prokurorë që nuk ndihen brenda vetes të pavarur dhe lejojnë të ndikohen në vendimmarrje nga eprori, kolegu apo dhe faktorë të jashtëm. Më keq akoma që disa prej tyre kanë keqkuptuar pavarësinë, mbështetjen dhe mbrojtjen e dhënë si një liri për të kapërcyer kufijtë e ligjit apo për t’iu kthyer disa praktikave të mëparshme të gabuara për të cilat u detyruam të bënim atë ndërhyrje të thellë në sistem. Pavarësia dhe mbështetja financiare e dhënë duhet të kthehen në më shumë përgjegjshmëri, transparencë, cilësi hetimi dhe gjykimi dhe eficiencë të sistemit, gjë që nuk po ndodh me ritmin e duhur në disa pjesë të tij", u shpreh Xhafaj. 

Fatmir Xhafaj ka të drejtë kur flet për ritmet. Banda "5D" duhet të ishte e gjitha pas hekurave, bashkë me Erion Veliajn dhe kolegët që ndenjën ca kohë jashtë për t'u fshehur. (lexo këtu)

Por shikojeni pak vogëlsinë e liderit Xhafaj! Dhe kur u kërkon ritme, Fatmiri u kujton rrogat. Mos kërkoni fjali prej lideri nga Fatmiri! Deri te "më keni borxh bukën që hani" i shkon stilolapsi. Kaq takat ka. Nuk ndryshon dot më asgjë! Aq më pak fatin e bandës "5D". Altin Dumanin jo e jo!/CNA 





Lajmet e fundit nga