E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Masat e sigurisë për Berishën dhe Malltezin/ Gjokutaj: Gjykata e Lartë, më e ulëta në nivel profesional

16 Korrik 2024, 16:59, Politikë CNA

Masat e sigurisë për Berishën dhe Malltezin/ Gjokutaj: Gjykata e

Avokati Genc Gjokutaj. Burimi, PD

Avokati Genc Gjokutaj ka reaguar për vendimin e Gjykatës së Lartë, e cila la në ffuqi masat “arrest shtëpie” për kreun e PD-së, Sali Berisha, dhe dhëndrin e tij Jamarbër Malltezi.

Gjokutaj sulmon Gjykatën e Lartë në rrjete sociale, ku thotë se është më e ulëta për nga niveli profesional.

Kjo pasi, sipas tij, vendimi për masat e sigurisë bie në kundërshtim me Kartën Europiane të të Drejtave të Njeriut, Jurisprudencën e Gjykatës Europiane të të Drejtave të Njeriut në Strasburg, Kushtetutën e Republikës së Shqipërisë, Kodin e Procedurës Penale dhe Kodin Penal.

“Gjykata e Lartë për nga hierarkia gjyqësore por më e ulëta për nga niveli profesional sot recitoi edhe një herë refrenin e rrëzimit të kërkesave të liderit të opozitës, Sali Berisha dhe dhëndrit të tij, Jamarbër Malltezi!

Ky ritual u krye nga trupa gjykuese për të cilin ne kemi kërkuar përjashtimin pasi po në lidhje me revokimin e masave të sigurimit dhe po kjo trupë gjykuese i ka ligjëruar ato (masat e sigurimit) në kundërshtim me Kartën Europiane të të Drejtave të Njeriut, Jurisprudencën e Gjykatës Europiane të të Drejtave të Njeriut në Strasburg, Kushtetutën e Republikës së Shqipërisë, Kodin e Procedurës Penale dhe Kodin Penal duke u shmangur me dashje nga vlerësimi i pavlefshmërive të këtyre masave!

Ky ka qenë detyrim ligjor i kësaj Gjykate por gjyqtarët që shkelën ligjin dhe lanë liderin e opozitës ne izolim nuk mund ta lirojnë atë më pas! Sepse i tillë është urdhri politik!

Praktika gjyqësore njeh recidivizmin e të pandehurve si përsëritës në krim!

Sot falë Gjykatës së Lartë, subjekteve bashkëpunëtore në krim ju shtuan edhe gjyqtarët recidivistë si standard regresiv falë Reformës në Drejtesi!”, shkruan avokati./ CNA