web counter
LEXO PA REKLAMA!

SHKARKO APP

App Store
Google Play

E fundit!

x

"Këmbanë alarmi për Ramën”/ Ndoka: Protestë spektakolare! Me Bashën PD u mor peng

12 Korrik 2024, 19:03, Politikë CNA
"Këmbanë alarmi për Ramën”/ Ndoka: Protestë
Nard Ndoka, kryetar i PDK-së

PD dhe opozita zhvilluan të enjten në mbrëmje protestën kombëtare ku pjesëmarrja e shqiptarëve ishte e lartë. Por çfarë prodhoi apo cfarë tregoi 11 korriku?

Në një intervsitë për CNA, kryetari i Partisë Demokristiane, Nard Ndoka e cilësoi numrin e lartë të protestuesve si këmbanë alarmi për Kryeministrin Edi Rama, e njëkohësisht edhe një test për opozitën.

“Ishte një protestë spektakolare për mënyrën e organizimit, për nga pjesëmarrja, ku qytetarët i’u përgjigjën thirrjes së bërë nga opozita për një protestë kombëtare. Protesta në tërësi është njësi matëse, askush nuk pretendon që me një protestë të rrëzojë kryeministrin apo qeverinë, por ishte një këmbanë alarmi që kryeministri duhet ta lexojë qartë. Kemi një qeveri të zhytur në korrupsion, me skandale të shumta, një ndër to edhe Bashkia e Tiranës me drejtorët e arrestuar.

Protesta ishte edhe një test për opozitën. Kemi patur nevojë për një opozitë që të krijonte besim te qytetarët.”

Sipas Ndokës mbështetja në protesta nuk ka munguar, por opozita nuk ka qënë në lartësinë e duhur institucionale, për shkak të ish-drejtuesit lulzim basha që lejoj ramën të merrte peng PD.

“Nuk ka munguar përkrahja e qytetarëve në protesta në asnjë rast. Opozita nuk ka qënë në lartësinë institucionale. Prej tre vitesh partia më e madhe e opozitës ishte kapur peng nga kryeminstri. Si fillim lideri Lulzim Basha dhe nëpërmjet tij kapi logon, vulën, emrin, financat dhe ccdo gjë tjetër të kësaj partie, duke e bërë opozitën inekzistente. Ky proces tashmë ka marrë fund dhe rritur besimin e qytetarëve. Realizimi i proteste të përmasave të 11 korrikut, ka nevojë për bashkimin e partive opozitare, jam dëshmitar i tyre në 30 vite. Pjesëmarrja ishte tregues se nuk u mbështet vetëm kauza politike, por edhe përtej saj. Protesta i kaloi edhe pritshmëritë e skeptikëve më të mëdhenj”

Kreu i Partsië Demokristiane Nard Ndoka tha ndër të tjera se partitë opozitare sot I bashkon qëllimi i përbashkët, ai i rrëzimit të Edi Ramës si kryeministër./CNA

 





Lajmet e fundit nga