web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 11 korrikut/ Lili Sula thirrje për pjesëmarrje, akuza qeverisë

10 Korrik 2024, 11:28, Politikë CNA
Protesta e 11 korrikut/ Lili Sula thirrje për pjesëmarrje, akuza
Lili Sula, foto: PD

Drejtuesja e Departamentit të Arsimit në PD, Lili Sula, nga selia blu u bëri thirrje qytetarëve që të marrin pjesë në protestën e 11 korrikut që do të zhvillohet para Kryeministrisë. 

Sula akuzoi qeverinë Rama se ka rrënuar arsimin. Sipas tij qeveria shpenzon vetëm 1000 euro në vit, për nxënës/student, 15 herë më pak se në vendet e OECD-së.

Deklarata e plotë: 

Të dashur pedagogë, mësues, nxënës dhe studentë:

Në 11 vjet Edi Rama, me keqqeverisje dhe keqdashje, i ktheu shkollat nga vatra të dijes në fole të ilegalitetit.  

– Ai mashtroi mësues e nxënës, studentë e pedagogë, për financimin e arsimit publik me 5% të PBB-së. Sot niveli i arsimit është vetëm xxx shumë më pas se financimi në qeverisjen e PD. Shqipëria investon nën 0.08% të GDP për kërkim, 4-10 herë më pak se disa vende të Rajonit të WB.

-Nxënësit 15-vjeçarë u renditën të fundit në botë për të menduarin krijues, pas Palestinës dhe Uzbekistanit nga testimi ndërkombëtar PISA.

-Janë përkeqësuar treguesit e anafalbetizmit funksional, dhe aftësitë e nxënësve në lexim kanë shkuar prapa në kohë, në vitet 2000. PISA vërtetoi që prapambetja në formim e nxënësve 15-vjeçarë të zonave rurale me ato urbane është thelluar përtej 2 viteve shkollore.

-Vijon skandali i testimeve të Maturës shtetërore- nga dalja e të gjitha tezave në minutat e para të provimit, te problemet e rënda të formulimit të testeve që penalizojnë në vlerësim nxënësit. Degradimin e plotë të Maturës e tregon heqja e njërës lëndë me zgjedhje e cila ka përgjysmuar nivelin e formimit të thelluar akademik të maturantëve.

-Qeveria shpenzon për nxënës/student vetëm 1000 euro në vit, 10-15 herë më pak se në vendet e OECD.

-Politizimi: kontrolli total përmes patronazhistëve i arsimit. Denigrimi i figurës së mësuesit, mungesa e mbështetjes, dhe e rritjes së pagave. Shkollat kthyer në pika shpëndarje droge edhe nga drejtorët patronazhistë.

-Ligji për Arsimin e Lartë zhduku autonominë universitare dhe lirinë akademike

-Arsimi po braktiset me shifra të frikshme prej shpopullimit: 60 mijë studentë më pak në universitete se 10 vite më parë; – 110 mijë nxënës më pak në arsimin parauniversitar,

– Ikja dramatike e trurit dhe e intelektualëve, ngjashëm me vendet e Afrikës na rendit ndër 10 vendet në botë me emigrim më të lartë.

-Universitetet shqiptare të rankuara më shumë se 1000 vende poshtë atyre të rajonit (si Kroacia, Sllovenia apo Serbia)- sipas rankimeve ndërkombëtare

Këto janë vetëm disa nga shkaqet që e kanë rrënuar sistemin arsimor, që shpallin hapur braktisjen që partia-shtet u ka bërë arsimit dhe fëmijëve.

Për të ndalur këtë sistem dearsimues që sot gjendet në pikën fundore, për të ndalur shpopullimin masiv të shqiptarëve që largohen për motive mbijetese, rritjen e analfabetizmit, dhe gjithë sëmundjet e rënda që e kanë ngërthyer arsimin – ju ftoj, veçanërisht mësuesit, pedagogët, nxënësit e studentët, si kolegia juaj dhe mësuesja juaj, që më 11 korrik, ora 20:00, t’i bashkoheni protestës së opozitës.

Për të mirën e fëmijëve tanë, për të mirën e kombit!/CNA 





Lajmet e fundit nga