web counter
LEXO PA REKLAMA!

SHKARKO APP

App Store
Google Play

E fundit!

x

“Ishte i paaftë, nuk jam për pasivitet dhe letargji”/ Basha tradhtohet nga njeriu i tij besnik

9 Korrik 2024, 20:49, Politikë CNA
“Ishte i paaftë, nuk jam për pasivitet dhe letargji”/
Lulzim Basha

Lulzim Basha është tradhtuar nga njeriu më besnik i tij, Enkelejd Alibeaj. Gjatë një interviste të dhënë në median e paguar nga inceneratorët, Alibeaj është shprehur se Lulzim Basha po qëndron në vend numëro dhe nuk po ecën përpara me lëvizjen e re politike të grupit që i ka patur mbështetës.

Alibeaj ka deklaruar se do të vazhdojë përpara me projektin dhe është kundër pasivitetit dhe letargjisë së Bashës.

Më tej Alibeaj theksoi se nëse Basha ka zgjedhur që të mos e çojë përtej projektin politik udhë e mbarë.

Ai nënvizoi se Basha ishte i paaftë të bënte betejë me Berishën.

“Nuk heq dorë nga politika. Përpjekje ime është që gjithë ata njerëz 3 vite bëjnë betejë. Ka pasur dhe njerëz që nuk bënë betejë por nuk janë me politikën e vjetër. Është detyrim i imi që të bëjmë ç’është e mundur për të mos i lënë në mëshirë të fatit. Bëj rrugëtimin tim. Rrugëtimi im është i imi dhe do vijoj pa u tërhequr. Njerëzit të cilët nuk e ndjejnë ngelen prapa.

Kanë ngelur prapa grupi i madh që ikën viti i kaluar që kaluan tek Berisha. Sigurisht nuk kam koment, nuk është rruga morale që lanë betejën. Këtu ishim kur u anatemuan. Ca të tjerë u larguan më vonë tek Berisha. Mesa kuptoj edhe Lulzim Basha do të rrijë aty ku është. Duhet të japim një formacion politik që të jetë adresa e gjithë atyre demokratëve që të mos jenë në mëshirën e fatit as të Berishës dhe Ramës.

Mesa duket zgjidhja është rekurs por vetëm kaq, se nuk të çon asgjë. Nëse ato gjykata janë të kapura nga Rama dhe Berisha do vijojnë të jenë të kapura. Do të vazhdojmë para apo do rrimë në vend numëro. Jam për përpara. Nuk jam për tu zvarritur në politikë. Jo për pasivitet dhe letargji. Si unë janë shumë. Nëse Basha zgjedh që të mos e çojë përtej udhë e mbarë unë do vazhdoj përtej. Ishte i paaftë të bënte betejë me Berishën. Unë do vazhdoj përpara. Respektoj qëndrimin e gjithkujt. Por kjo nuk më bën të qëndroj në letargji. Nuk i lë betejat në mes.

Kjo zgjedhja ime mund të jap fund karrierës sime. Por jo për këtë arsye do duhet të zvarritem. Në politikë njeriu do duhet të vdes në këmbë jo të lëpihet për një karrige poshtë ballkonit. Shumica e dërrmuese këtyre kolegëve që betoheshin se nuk do jenë me non-grata, ku janë sot. Ku është morali në politikë. Më vjen keq për ata që shkojnë poshtë ballkonit, presin se ku do ti vendos lideri në listë. Shembulli më i keq i shoqërisë civile”, ka thënë Alibeaj.

Por para se Alibeaj të deklaronte këtë në median e paguar nga inceneratorët, CNA e kishte raportuar më herët se Basha ishte braktisur edhe nga njerëzit e tij më besnik.

Enkelejd Alibeaj, Rezart Kthupi, Roland Bejko, Fatbardh Kadilli dhe disa ushtarë të Lulit kanë vendosur që partisë t’i vendosin emrin Iniciativa e Demokratëve Euroatlantikë (IDE).

Partinë ata do ta bëjnë pa Bashën, pasi nuk do ta lënë atë që ta drejtojë. Ata kanë vendosur që partia të funksionojë me drejtim kolegjial.

Ashtu siç e kemi raportuar më herët Lulin po e tërheqin prej hundësh ushtarët e tij, duke e trajtuar si një të ftuar në partinë e tij./ CNA





Lajmet e fundit nga