E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Basha nuk do të depozitojë ankimim, nuk ka se kush t'ia shkruajë!

8 Korrik 2024, 15:00, Politikë CNA

Lulzim Bashën nuk e beson më askush!

Pas vendimit të Gjykatës së Apelit, që i dha vulën dhe siglën Foltores së Sali Berishës, Basha fillimisht deklaroi se kishte 5 ditë afat për ankimimin e vendimit të Apelit.

Tashmë kanë kaluar 5 javë dhe Basha vazhdon e thotë që do ta ankimojnë vendimin e Apelit, por kjo ka gjasa që të jetë edhe formalisht e pamundur.

Në tryezën e diskutimeve të atyre që njiheshin deri dje si mbështetës dhe anëtarë të grupimit Basha është hedhur ideja e krijimit të një partie të re.

Fyellit të rekursit ka vazhduar t'i bjerë vetëm Basha, i cili duket dikur ka qenë i vetëm në boshllëkun e idesë së vet. Sigurisht që ideja që secili të shohë punen e vet është prezente sa kohë që për këtë opsion nuk duhet as kuorum e as vendim grupi.

Lulzim Basha deklaroi publikisht që do të bënte rekurs të vendimit, me shpresë që do të arrinte të gënjente ndokënd, por duket se diçka e tillë nuk do të ndodhë fare.

Kjo sepse shumica e përfaqësuar nga deputeti Enkelejd Alibeaj dhe e ndjekur nga Roland Bejko, Agron Kapllanaj, Rezart Kthupi, Edvin Kulluri, Agron Kapllanaj, etj., janë të vendosur në idenë e krijimit të një partie të re.

I vetmi që ka deklaruar largimin nga grupi parlamentar i drejtuar nga Sali Berisha është Enkelejd Alibeaj. Lulzim Basha nuk është dorëhequr nga Grupi Parlamentar i PD-së, dhe ai formalisht sot ka shef Flamur Nokën. Porositë i merr prej tij.

Në çdo rast grupi që po kërkon krijimin e një partie të re, nuk e ka Bashën si opsion për drejtimin e subjektit të ri politik.

Nga 10 deputetë që mbështesnin Bashën, në takimin e tij ishin prezentë vetëm 5 prej tyre, Arbi Agalliu, Orjola Pampuri, Selaudin Jakupllari dhe Merita Bakiu.

Është e qartë që Basha nuk ka se çfarë të depozitojë si tekst ankimimi ne Gjykatën e Lartë. Lulzim Basha nuk di të shkruajë, megjithëse lexon shumë mirë. Dhe sipas ndarjes së grupimeve, duket se as Alibeaj e asnjë tjetër nuk është i disponueshëm që t'i shkruajë ndonjë faqe letër ku të firmosë Basha.

Kjo është pengesë që e bën të pamundur depozitimin e ankimimit që Basha ka nja 5 javë që e ka premtuar.
Opsioni që Basha të mësojë të shkruajë në këtë moshë nuk ekziston./CNA