web counter
LEXO PA REKLAMA!

SHKARKO APP

App Store
Google Play

Evropa i zhduk/ Veliaj sjell skuterë elektrikë si risi pas pilafit

7 Korrik 2024, 10:41, Politikë CNA

Kryebashkiaku i Tiranës, Erion Veliaj, prej disa ditësh po mburret me sjelljen e 500 skuterëve elektrikë në kryeqytet.

Veliaj ka sjellë skuterë elektrikë dhe po propagandon për përdorimin e tyre në një kohë kur Evropa po i heq nga qarkullimi për shkak se rrezikojnë jetën e qytetarëve.

Parisi ka ndaluar përdorimin e skuterëve që prej shtatorit të 2023-shit. Gjithashtu edhe Gjermania ka një debat për kufizimin e tyre në disa qytete.

Kjo për shkak se janë regjistruar qindra aksidente fatale që kanë nxjerrë në pah rreziqet e këtyre pajisjeve, të cilat mund të merren me qira edhe nga të mitur.

Skuterët kanë një shpejtësi shumë të madhe, ndërkohë që për përdorimin e tyre duhet ndërtuar infrastruktura e duhur.

Veliaj i ka sjellë skuterët si një risi të madhe pas pilafit, ndërkohë që nuk ka as korsi të dedikuara dhe as sinjalistikë.

Shpejtësia dhe një mungesë e mënyrës për ta drejtuar siç duhet mund të marrë jetën e qytetarëve, por Veliaj mbyll sytë përpara fataliteteve dhe bën propagandë për të treguar se po bën një gjë të madhe.

Evropa i zhduk/ Veliaj sjell skuterë elektrikë si risi pas pilafit
Kryebashkiaku i Tiranës, Erion Veliaj me skuter

Edhe policia shqiptare ka paralajmëruar disa herë për rrezikun e përdorimit të tyre. Megjithatë, kryebashkiaku i Tiranës është i interesuar vetëm për propagandë dhe shfaq zero interes për sigurinë e qytetarëve. (Lexo këtu)

Në fakt, këta skuterë me shpejtësi të madhe nuk janë gjë tjetër veçse një rrezik i shtuar në Tiranën kaotike të trafikut.

Një tjetër detaj që duhet theksuar është se skuterët elektrikë kanë një çmim të lartë për të lëvizur. Kështu, qytetarët, përveçse paguajnë, rrezikojnë edhe jetën./ CNA





Lajmet e fundit nga