web counter
LEXO PA REKLAMA!

SHKARKO APP

E fundit!

x

Beqaj mburret në gjykatë/ “Kam para për disa makina, jam i sërës së lartë”

6 Korrik 2024, 16:01, Politikë CNA
Beqaj mburret në gjykatë/ “Kam para për disa makina, jam i
Ish-ministri i Shëndetësisë, Ilir Beqaj. Burimi, LSA

Ish-ministri i Shëndetësisë, Ilir Beqaj, është mburrur në Gjykatën e Posaçme, ku ka dëshmuar këtë të shtunë në lidhje me abuzimin me fondet e BE-së gjatë kohës që drejtonte Agjencinë Shtetërore të Programimit Strategjik dhe Koordinimit të Ndihmës (SASPAC).

Beqaj tha para togave të zeza se ka aq të ardhura sa mund të përballojë shpenzime për disa makina.

Këtë deklaratë ai e bëri teksa u pyet për fshehjen e pronësisë së mjetit që lëviz.

“Unë gjithmonë hipi pasagjer se s’kam patentë. Një makinë të tillë mund ta përdor pa problem me të ardhurat që kam, mund të përballoj jo shpenzimet e kësaj makine por disa të tilla me të ardhurat që kam, s’kam arsye ta fsheh”, u shpreh ai.

I pyetur për aksionet e restorantit “Gzona”, ish-ministri e cilësoi veten si “klient të sërës së lartë”.

“Kur është futur bashkëshortja te “Gzona”, ishte fat që një mik i përbashkët kishte interes për të bashkëpunuar në biznes. Kjo për faktin se shihej si mundësi për të ofruar për shkak të njohjes klientë të serës së lartë”, theksoi Beqaj./ CNA





Lajmet e fundit nga