web counter
LEXO PA REKLAMA!

SHKARKO APP

App Store
Google Play

E fundit!

x

Situata në PD para zgjedhjeve/ Andoni: Mungon hierarkia e autoriteteve morale

6 Korrik 2024, 18:15, Politikë CNA

Mes hetimeve, ndjekeve penale, masave për arrest shtëpie apo në burg, politika në Shqipëri rreth një vit para zgjedhjeve ndodhet në një situatë jo të zakonshme.

Teksa nga e majta janë të shumtë në numër zyrtarët apo ish-zyrtarët që janë përballur apo vijojnë të përballen me drejtësinë dhe që mund të ndikojë jo pak në opinionin publik në zgjedhjet e 2025-ës, e djathta po kërkon të rindërtojë bazat e më konkretisht PD, që vjen pas vendimit të gjykatës për vulën dhe firmën.

Në një intervistë për CNA TV, gazetari dhe publicisti, Ben Andoni ka komentuar gjendjen e PD-së, ku ka vënë në dukje si anët pozitive ashtu edhe mangësitë.

Situata në PD para zgjedhjeve/ Andoni: Mungon hierarkia e autoriteteve
Gazetari dhe publicisti, Ben Andoni

“I vetmi problem që PD-ja ka është hierarkia e autoriteteve morale. Sot e shoh më mirë se më parë, pasi po konsolidohen disa emra si zoti Belind Këlliçi që ka marrë përsipër bashkë me zotin Alimehmeti që të bëjnë të gjithë opozitën që lidhet me bashkinë, zoti Noka që merret me pjesën organizative dhe zoti Bardhi që ka marrë përsipër një detyrë shumë të vështirë, bashkimin, unifikimin  këtyre grupimeve dhe një lloj organizimi parlamentar të PD. Nga ana tjetër, Bardhi ka deyrën e vështirë që PD-së t’i japë dimensionin ndërkombëtar që është problemi më i madh që ka kjo parti dhe mungesa e autoritetit moral e vështirëson edhe më shumë punën. Por megjithashtë sot kuptohet se janë më të relaksuar dhe duket se një pjesë e tyre janë më të angazhuar për listat e deputetëve dhe këtu do të bëhet “lufta” në të ardhmen”, u shpreh ai.

Sa i përket protestës kombëtare të 11 korrikut dhe paralajmërimit për të vijuar me të tjera, Andoni u shpreh se do të jenë të suksesshme dhe do të kenë pjesëmarrje nëse do të trajtohen edhe hallet e shqiptarëve./ CNA TV





Lajmet e fundit nga