web counter
LEXO PA REKLAMA!

SHKARKO APP

App Store
Google Play

E fundit!

x

Krijohet Trupa e Ndërhyrjes Teknike/ Balla: Shtojmë masat për të garantuar sezonin turistik

6 Korrik 2024, 16:32, Politikë CNA

Për të shtuar sigurinë dhe parandaluar ngjarje me pasoja në akset rrugore kombëtare, është krijuar dhe ka nisur funksionimin Trupa e Ndërhyrjes Teknike (TNT), e përbërë nga Policia e Shtetit, Urgjenca Kombëtare dhe Shërbimi Zjarrfikës.

TNT do të jetë e lëvizshme dhe do të monitorojë akset me risk të shtuar. Njësia e re u prezantua në Llogara, gjatë një takimi që ministri i Brendshëm, Taulant Balla zhvilloi me drejtues të strukturave përkatëse dhe praninë e Prefektit të qarkut, Kryetarit të Bashkisë etj.

"U mundësua në kohë rekord paketa e masave për një sezon turistik të sigurt, përfshirë TNT, Trupa e Ndërhyrjes Teknike (Polici, Urgjenca, MZSH). Kjo është një zgjidhje e ofruar nga partnerët, për të garantuar ndërhyrje në kohë, urgjenca në raste incidentesh, shoqëruar nga Shërbimi Zjarrfikës dhe Policia e Shtetit", tha Balla.

Krijohet Trupa e Ndërhyrjes Teknike/ Balla: Shtojmë masat për

Në përgjigje të kërkesës së Drejtorit të Urgjencës Kombëtare, për nevojën për trajnime të kësaj trupe, e jo vetëm, Balla tha se TNT që nga java e ardhshme, do t'i nënshtrohet programeve të trajnimit në Akademinë e Sigurisë.

Veç shtimit të angazhimit të strukturave për rritje të besimit të publikut, Balla deklaroi se po punohet që të ketë përmirësim të trajtimit financiar, veç strukturave të sigurisë e enteve të tjera publike, edhe për punonjësit e pushtetit vendor.

Krijohet Trupa e Ndërhyrjes Teknike/ Balla: Shtojmë masat për

"Shqipëria do ta mbyllë 2024 me plus 14 milion turistë, ky është parashikimi me një rritje 40%. Shqipëria sot konkuron jo vetëm me fqinjët, e kjo edhe me sigurinë. Sa herë pyetet një i huaj, çfarë të pëlqen veç bukurisë, e mikpritjes së pankonkurueshne, është siguria. Falë punës së PSh, dhe agjencive të tjera ligjzbatuese kemi një rritje të dukshme të indikatorit parësor, që është besimi tek Policia, me 3 nga 4 qytetarë, me besim të plotë. Edhe pse u them drejtuesve të PSh, duhet të synojmë besimin e çdo qytetari e për këtë na duhet të punojmë e bëjmë më shumë edhe ne, për trajtimin e duhur financiar për punonjësit. Në korrik kemi hyrë në muajin ku punonjësit e shërbimeve publike marrim rritje page, por duhet të konsolidohet. Po mendojmë që edhe pushteti vendor të ketë rritje. Ky sezon do të sjellë më shumë të ardhura, e këtë ndihmojnë ekonominë", nënvizoi ministri./ CNA





Lajmet e fundit nga