web counter
LEXO PA REKLAMA!

SHKARKO APP

App Store
Google Play

E fundit!

x

Sherefedin Shehu, akuza qeverisë/ "Ka gënjyer, tuneli i Llogarasë investim antiekonomik"

7 Korrik 2024, 15:16, Politikë CNA
Sherefedin Shehu, akuza qeverisë/ "Ka gënjyer, tuneli i
Ish-zv.ministri i Financave, Sherefedin Shehu

Ish-zv.ministri i Financave, Sherefedin Shehu, ka hedhur akuza ndaj qeverisë në lidhje me tunelin e Llogarasë, i cili u hap të premten.

Shehu pretendon se tuneli i Llogarasë është investim antiekonomik për shkak të kostos së punimeve dhe hapjes vetëm për sezonin veror dhe për orarin e shkurtuar të udhëtimit.

Ai deklaron në rrjetet sociale se tuneli nuk shkurton 35 minuta rrugë siç ka thënë kryeministri Edi Rama, por vetëm 15 minuta.

Sipas tij, tuneli nuk ka lidhje me korridorin blu dhe nuk është projektuar dhe zbatuar si pjesë e tij.

Deklarata e plotë:

Tuneli i Llogarasë është investimi më antiekonomik:

1. Kostoja më e lartë për shkak të vështirësisë dhe keqmenaxhimit: pa konkurrencë dhe i mbikëqyrur nga hajdutë.

2. Nuk shkurton 35 minuta sa thotë Rama, por vetëm 15 minuta sa thotë Google (shiko foton).

3. Është për përdorim sezonal dhe jo gjithëvjetor.

Kjo nuk do të thotë se jam kundër tuneleve, por duhet të ketë strategji dhe radhë për ndërtimin e tyre.

Tuneli nuk ka lidhje me korridorin blu dhe nuk është projektuar dhe zbatuar si pjesë e tij.

Saranda apo skaji jugor e ka tunelin e biznesit Kardhiq-Delvinë që i bëri PD-ja.

Për qëllime biznesi duhej të vazhdonte rruga Elbasan-Berat-Përmet-Tepelenë-Ura e Kardhiqit.

Shqipërisë i mungon korridori Lindje-Perëndim apo Korçë-Durrës që duhej të kishte përfunduar të paktën në vitin 2016.

Qeveria duhej të kishte mbaruar Rrugën e Arbrit që ishte në zbatim e gjitha në 2013 përveç tunelit.

Dhe më e keqja Rama mburret me tunelin kur në 12 vjet ka bërë vetem 20 km rrugë edhe këto dhe të tjerat që po bën me para "veresie”.

Zoti na ruajt nga mashtrimet e Ramës dhe besimi i verbër i shumë qytetarëve./ CNA





Lajmet e fundit nga