E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënuar këtë të enjte në Lozhan të M...

Tedi Blushi sulmon Dash Shehin: Pseudoopozitar, figurë karagjoze e "fake opozitës"

12 Korrik 2024, 12:24, Politikë CNA

Tedi Blushi

Pas deklaratës së kreut të LZHK-së, Dashamir Shehi, për Ilir Metën, nuk ka munguar edhe një reagim nga Tedi Blushi.

Ky i fundit, në një postim në rrjetet sociale, ka sulmuar Shehin, duke e quajtur një pseudoopozitar që nuk përfaqëson askënd veç "klubeve të lagjes".

Blushi e quan Shehin një figurë karagjoze e "fake opozitës", që dërgohet nga Edi Rama dhe Lul Basha nga një banak në tjetrin me premtimin për një mandat qyl.

Në mënyrë të përsëritur sipas një regjie të Edi Ramës, pseudo-opozitari Dash Shehi, që nuk përfaqëson askënd veç 'klubeve të lagjes', vazhdoi edhe sot në funksion të diversionit brenda opozitës të sulmojë Presidentin e Partisë së Lirisë, Ilir Meta dhe opozitën e bashkuar. Kjo figurë karagjoze e 'fake opozitës', që dërgohet nga Edi Rama dhe Lul Basha nga një banak në tjetrin me premtimin për një qyl-mandat, ka marrë përsipër të 'legjitimitojë' edhe institucionin e kapur prej fyti nga Edi Rama dhe Erion Veliaj, si SPAK-u i Dum-Dumanëve. Të gjithë kecat e Edi Ramës dhe Lul Bashës bashkë me Dashin e tyre që lufton veç për qyl-mandat dhe qyl-faqore duhet ta kenë të qartë se lufta pakompromis dhe patriotike e Ilir Metës me regjimin kriminal të Narkoshtetit dhe Ramaformës nuk ka kthim pas. Se çfarë betejash patriotike ka bërë burri i shtetit Ilir Meta me regjimin kriminal të Edi Ramës, me Ramaformën, me SPAK-un e me mafian ndërkombëtare dhe se si i ka shqepur 5-0 në Venecia, i di i madh dhe i vogël. Siç e dinë të gjithë shqiptarët se një politikan i degraduar që korruptohet me një faqore qyl nuk mund të verë në diskutim as integritetin e Ilir Metës dhe as të legjitimojë veglën qorre të Edi Ramës, SPAK-un e Don Agaçios", shprehet Blushi.

Dashamir Shehi gjatë një interviste në "A2CNN" tha se pjesëmarrja e Ilir Metës në protestën e opozitës ishte për të mbrojtur veten dhe familjarët nga prokurorët që i vijnë vërdallë.

Për Shehin, nëse kërkon që ta bësh qesharake luftën kundër korrupsionit në vend, merre Ilir Metën dhe hipe në podium, njësoj siç bëri opozita një ditë më parë./CNA