web counter
LEXO PA REKLAMA!

SHKARKO APP

App Store
Google Play

E fundit!

x

Petro Gjikuria: Të votojmë për të nesërmen e Himarës, nuk do të përçahemi!

11 Korrik 2024, 12:39, Politikë CNA
Petro Gjikuria: Të votojmë për të nesërmen e
Petro Gjikuria

Partia e PBDNJ-së dhe "OMONIA", kanë konfirmuar kandidaturën e Petro Gjikurisë për zgjedhjet që do të zhvillohen në Himarë më 4 gusht. 

Në deklaratë shkruhet se në zgjedhjet e pjesshme në Himarë nuk do të varet vetëm fati i drejtimit të bashkisë për pjesën e mbetur të mandatit, por, sipas tyre, edhe fati i standardeve të zhvillimit të zgjedhjeve parlamentare të vitit të ardhshëm.

Nuk ka munguar edhe një reagim në rrjetet sociale nga kandidati Petro Gjikuria, i cili ka shprehur objektivat e tij. 

"Kam lindur në Dhërmi dhe vij nga një familje që ka luftuar për dy gjëra të shenjta: për vendin dhe për Demokracinë. Kam punuar fort në Greqi dhe në SHBA dhe kam mësuar shumë duke punuar në fushën e kulinarisë dhe hotelerisë, por edhe në organizata të ndryshme të diasporës dhe të gjitha këto dije dhe eksperienca dëshiroj t’i vendos në funksion të vendit tim, duke punuar së bashku me bashkëqytetarët e mi për mirëqenien dhe zhvillimin e Himarës në të gjitha fushat. Në datën 4 gusht nuk votojmë për të zgjedhur Kryeministër, votojmë për Kryetar Bashkie! Votojmë për të nesërmen e Himarës! Jemi të gjithë banorë të Himarës dhe nuk duhet të lejojmë askënd të na përçajë, sado lart qoftë ai. Mbi të gjitha dhe para së gjithash është interesi i zonës! E nesërmja për Bashkinë Himarë ka program, atë që vendosën qytetarët me shumicë votash në maj të vitit të kaluar", u shpreh ai./CNA 





Lajmet e fundit nga