web counter
LEXO PA REKLAMA!

SHKARKO APP

App Store
Google Play

"11 korriku do të shënojë protestën më të madhe"/ Këlliçi, thirrje qytetarëve për pjesëmarrje

11 Korrik 2024, 07:42, Politikë CNA
"11 korriku do të shënojë protestën më të
Belind Këlliçi dhe simpatizantë të PD-së

Drejtuesi politik i PD-së për Tiranën, Belind Këlliçi, u bën thirrje të gjithë qytetarëve të kryeqytetit dhe mbarë Shqipërisë që të marrin pjesë në protestën që do të zhvillohet sot para Kryeministrisë kundër qeverisë. 

Ai shprehet se 11 korriku do të shënojë protestën më të madhe të organizuar ndonjëherë në vend. 

Këlliçi, bashkë me të rinjtë të FRPD-së, shpërndanë fletëpalosje te qytetarët. 

"Energji pozitive pafund me qytetarët e Tiranës dhe FRPD-së. Sot ishim bashkë me të rinjtë e FRPD-së dhe disa deputetë të PD-së, duke u takuar me kryeqytetasit që kishin zgjedhur parkun e liqenit artificial për të kaluar pasditen. Tirana po shihet kudo! Padurimi i qytetarëve për protestën e nesërme është në kufi! Jam i bindur se 11 korriku do të shënojë protestën më të madhe të organizuar ndonjëherë në vend! Mos e humbisni, ejani edhe ju! Të rinjtë, qytetarët e Tiranës dhe mbarë Shqipërisë do të derdhen nesër në bulevard, më shumë se kurrë dhe më të vendosur se kurrë. Shihemi nesër, më 11 korrik, në orën 20:00 në Kryeministri", shprehet Këlliçi./CNA 





Lajmet e fundit nga