web counter
LEXO PA REKLAMA!

SHKARKO APP

App Store
Google Play

E fundit!

x

"I paaftë ose i kapur"/ Bejko shpërthen kundër Bashës: Më vinin mesazhe "mos sulmo Saliun!"

12 Korrik 2024, 14:43, Politikë CNA
"I paaftë ose i kapur"/ Bejko shpërthen kundër
Ronald Bejko

Roland Bejko, një nga ushtarët më besnikë të Lulzim Bashës, njoftoi pak ditë më parë se është larguar nga ky i fundit dhe nuk do ta mbështesë më atë. Gjithë ky veprim i Bejkos erdhi pasi Gjykata e Apelit i dha vulën e PD-së, Sali Berishës.

Sa i përket arsyes së "divorcit" me Bashën, ai tha fillimisht se strategjia e tij ishte shumë "soft" (e butë).

Por sot, Bejko, në një intervistë televizive, ka shpërthyer ndaj Lulit. Ai shprehet se Basha nuk mban premtimet dhe se nuk ka bërë asnjë betejë muajt e fundit.

“I dhashë mbështetje Bashës me kushtin që të shpikte vetveten, i kam thënë nëse je Basha që je në atë dimension siç ishte kur dhe dorëheqjen, që nga shtatori në mars, nuk bëri asnjë betejë, po je i tillë s’të mbështes thashë. Më tha do bëjmë betejë çdo ditë ndaj trekëndëshit të Bermudës. Ika se e pashë që s'e bënte dot, s'u qëndroi premtimeve që kishte bërë dhe i humbi të gjitha”, tha Bejko.

Bejko ishte edhe kandidati i PD-së për Bashkinë e Tiranës në zgjedhjet lokale të 2023-shit, ndërsa thotë se ai bëri betejë, ndërsa Basha rrinte në shtëpi e priste të fitonte luftën me betejën e të tjerëve.

Ai tregon se muaj e fundit, i vinin edhe mesazhe nga mjedisi i Bashës që të mos shante Saliun. 

"Unë çdo ditë në televizion, bëja betejën tënde dhe ti rri në shtëpi. Futu pas murit hidh ndonjë gur, e fsheh dorën. Ta bëjnë betejën të tjerët dhe ti të fitosh luftën. Kur shikoja që nuk dilte, se më 30 qershor mori detyrën si kryetar, deri në mes të janarit, s’bëri asnjë konferencë, një kryetar partie që humbet komunikimin publik ose është i paaftë ose është i kapur. Unë isha kundër kësaj strategjie, i thoja që po na çon në humbje. Shkonim ne nëpër studio, muajt e fundit na vinin mesazhe 'mos sulmoni Saliun', nga mjedisi i Bashës. Në këto kushte kur na ndajnë pikëpamjet, vizionet, normal që do ndahesh,”u shpreh ai./CNA 





Lajmet e fundit nga