web counter
LEXO PA REKLAMA!

SHKARKO APP

App Store
Google Play

E fundit!

x

Projektligji i ri për armët futet me procedurë të përshpejtuar

15 Korrik 2024, 10:55, Politikë CNA
Projektligji i ri për armët futet me procedurë të
Seanca plenare

Në seancën e sotme plenare, projektligji i ri për armët është futur për t'u diskutuar me procedurë të përshpejtuar.

Shqyrtimi i projektligjit do të bëhet me 25 korrik.

Votimi i sotëm solli debate mes deputetëve të opozitës dhe mazhorancës. 

Në fjalën e saj, deputetja e PD-së, Jorida Tabaku, tha se ndryshimet po bëhen pas kërkesës së një operatori.

Ndërkohë Felaj sqaroi se nuk bëhet fjalë për ndryshim në ligjin e armëve, por ky është një ligj i ri.

Debati:

Tabaku: Si të nisë një procedurë sipas kërkesës së një operatori? Është ligj që ka shumë debate e shumë interesa përfshirja në ligjin e armëve të dy municioneve më kërkesë. Nuk gjej arsye sot se pse duhet të ndryshojë ligji i armëve. Cila është arsyeja që ligji i armëve brenda dy muajve ndryshon dy herë.

Gogu: Rregullorja është e qartë, një folës pro dhe një kundër. Rregullorja e Kuvendit ka parashikuar që t'i kërkojë Kuvendit një procedurë të përshpejtuar. Ka sjellë një projektligj të ri. Do të keni gjithë kohën që të denonconi në komisione. Sot ne vendosim dhe kjo seancë plenare ka të drejtën ta vendosë. Tani na mbetet të gjithë neve ta votojmë. Vazhdojmë me votimin.

Felaj: Nuk bëhet fjalë për ndryshimet në ligjin për armët, është një ligj i ri. Jo më kot e kërkova për rregullimin e provimit, tregtimit dhe zhvillimit të armëve. Nuk ka të bëjë me ligjin për armët. Është projektligj i ri. Jemi të qartë edhe me procedurën që na imponon rregullorja. Ka të drejtë Këshilli i Ministrave të paraqesë një kërkesë të tillë. Komision përgjegjës për këtë projektligj do të jetë komisioni për Sigurinë Kombëtare. Shqyrtimi i projektligjit do të bëhet me 25 korrik./CNA 





Lajmet e fundit nga