web counter
LEXO PA REKLAMA!

SHKARKO APP

App Store
Google Play

Koalicion me Berishën, Bashën apo Ramën? Nard Ndoka: Basha personazhi më i poshtër politik! Mbështes Berishën, me PS nuk do ishte koalicon natyral

13 Korrik 2024, 17:33, Politikë CNA
Koalicion me Berishën, Bashën apo Ramën? Nard Ndoka: Basha
Nard Ndoka, kryetar i PDK-së

PDK nuk do të bëjë koalicion me partinë e Lulzim Bashës. Ka qënë kjo deklarata e kreut të PDK Nard Ndoka në një intervistë për CNA TV.

Ndoka e ka argumentuar ndërprerjen e bashkëpunimit politik, duke u thënë se Basha është matrapaz dhe personazhi më i poshtër politik

“Lulzim Basha ka më shumë bindjet e një matrapazi. Ai është një personazh që u fut në politikë dhe u bë biznesmen përmes politikës, nuk erdhi nga biznesi.Lulzim Basha e ka mendjen te kullat, te bizneset e kunatit. Unë i besova, ja njoh vetes këtë gabim, madje shkova deri aty sa dorëzova mandatin e përfaqësues të PDK në parlament duke shkaktuar një kosto jo vetëm vetes por edhe partisë që drejtoj.Basha është personazh i pabesë, tinzar. Unë mund ta quaj personazhin më të poshtër që kam njohur në këto 30 vite dhe kjo është pengesë e madhe jo vetëm për mua për të bërë koalcion për sa kohë do jem në politikë, por edhe PDK e ka shpallur Lulzim Bashën “non grata” me prova dhe fakte, jo me informacione gazetash. Lulzim Basha është kapitull i mbyllur edhe për mua personalisht por edhe për Partinë Demokristiane”- është shprehur Nard Ndoka teksa theksuar se do të vijojë të mbështesë PD dhe kryetarin e saj Sali Berisha

“PD dhe unë kemi qënë të pozicionuar qartë që në fillimi. Unë nuk hyj ndër ata politikanë që i besoj verbërisht çdo ndërkombëtari, kemi edhe ne informacionet tona. E kam mbështetur zotin Berisha që në hapat e para dhe nuk nuk e fus Zotin Berisha te ajo listë e politikanëve që I ka krijuar dëme në aspektin e korrupsionit vendit tonë. Përkundrazi, është një politikan që mund ta marrim si model. Do të ketë një përballje kokë më kokë, është e pa diskutueshme dhe e vetmja kokë që mund të përballet me Edi Ramën sot ëshë Sali Berisha.- tha kreu i PDK.

I pyetur nësë partia që ai drejton mund të bëjë një koalicion me PS, Ndoka tha se e ka mbështetur Ramën edhe më parë, por në kushte të tjera. 

“Në 2009 kam qënë në opozitë dhe e mbështeta PS për hapjen e kutive, për transparencën. Në atë kohë PDK u ndëshkua edhe nga komisionerët e Edi Ramës, por në atë kohë ky e kuptoi gabimin dhe kërkoi transparencë për hapjen e kutive. Një tjetër rast është ai I 21 janarit, kur e kam mbështetur dhe kam qënë në krah të Edi Ramës dhe kur e kam mëbshtetur për 21 janarin, imagjinoje nesër në një koalicion. Unë nuk e shoh PS si koalicion natyral. Bashkëpunimet kanë qënë në situata krejt të tjera"./ CNA







Lajmet e fundit nga