web counter
LEXO PA REKLAMA!

SHKARKO APP

App Store
Google Play

Berisha, akuza Ramës/ “Ka kapur drejtësinë, në 2023-shin mbajti peng PD-në”

16 Korrik 2024, 22:32, Politikë CNA
Berisha, akuza Ramës/ “Ka kapur drejtësinë, në
Kryetari i PD-së, Sali Berisha

Kryetari i PD-së, Sali Berisha ka akuzuar kryeministrin Edi Rama se bën propagandë kundër të vërtetës.

Akuzën Berisha e ka bërë gjatë fjalës së tij në tubimin e përnatshëm, ku edhe një herë ka theksuar se mbahet në “arrest shtëpie” pa akuzë dhe se drejtësia është kapur nga Rama.

“Vetëm beteja është rruga e fitores ndaj një njeriu që ka përqendruar çdo pushtet në duart e tij. Ndaj një njeriu që me paratë e drogës dhe paratë e vjedhura ushqen një propagandë kundër të vërtetës nga mëngjesi gjer në darkë.  Që me paratë e drogës dhe paratë e vjedhura blen deklarata nëpër botë dhe vizita në Shqipëri. Por ne jemi shqiptarë, geni ynë është i pamposhtur. Ndaj dhe ne qëndrojmë të pamposhtur për t’u thënë të vërtetat shqiptarëve.

Qëndrojmë të pamposhtur në sakrificën dhe përpjekjen tonë për të rikthyer votën e lirë shqiptarëve. Qëndrojmë të pamposhtur për të shkuar drejt qeverisë teknike sepse me Edi Ramën zgjedhje të lira nuk ka dhe nuk do të ketë. Miqtë e mi, çdo ditë, çdo orë ju dëgjoni vendime që poshtërojnë çdo shqiptar.  Edi Rama me drejtësinë e tij politike tregon se është i aftë të marrë çdo vendim”, u shpreh ai.

Berisha përmendi edhe çështjen e simboleve të PD, që sipas tij u mbajtën peng nga Rama në mënyrë që në zgjedhjet e 2023 PD-së të mos kishte mundësi financimi dhe përfaqësimi.

“Kujtoni pak për një moment të dashur miq datat 15,16, 17 maj. Zgjedhjet, të cilat zhvilloheshin në kushtet e pabarazisë më absolute. Zhvilloheshin në kushtet kur Edi Rama me gjykatësit e tij i kishte marrë logon partisë më të madhe opozitare.

Nuk lejonte emrin e kryetarit të saj në fletën e votimit. Nuk lejoi financimin me asnjë qindarkë të 61 kandidatëve të opozitës kundrejt miliona e miliona të kandidatëve të partisë së krimit dhe 12 kandidatëve të Basho-opozitës.

Kujtoni pak zgjedhjet në të cilat vrasësit serialë Bajrëve, Ndokëve, Rrajave, Avdylëve, Bamëve etj, etj kërcënonin me hanxharët e tyre votuesit dhe demokratët. Kujtoni pak patronazhistët, aktivistët, policinë politike terroriste elektorale të Edi Ramës.

Kujtoni pak rrethimin e qendrave të votimit prej tyre dhe transferimin e qendrave të 1.2 milionë zgjedhësve për t’i lënë pa votuar. Të gjitha këto, së bashku me 683 mijë zarfa të pensionistëve dhe qindra milionë euro të shpërndara.

Miqtë e mi, ua kujtova këto jo se nuk i dini, por pavarësisht nga këto, propaganda e shpifur e Edi Ramës u vërsul kundër opozitës se humbi zgjedhjet dhe jo kundër kriminelit elektoral. A e shihni pra se cila është koha në të cilën fajtori shpallet fitimtar, kurse viktima shpallet fajtor?”, deklaroi kreu i PD-së./ CNA





Lajmet e fundit nga