web counter
LEXO PA REKLAMA!

SHKARKO APP

App Store
Google Play

E fundit!

x

Fatmir Xhafaj me komisionin kërkon t'i shpallë hajdutë të gjithë në administratën shtetërore

6 Gusht 2024, 14:54, Politikë CNA
Fatmir Xhafaj me komisionin kërkon t'i shpallë hajdutë
Fatmir Xhafaj

Komisioni Xhafaj ka marrë pushimet! Pas mbledhjes së javës së fundit të korrikut, Xhafaj ka ndarë porositë dhe ka marrë pushimet. Takimet do të rifillojnë në shtator, kur Xhafaj të ketë hedhur në letër mënyrat se si do sigurojë pushtetin mbi administratën shtetërore dhe administratën e institucioneve të pavarura.

Kujtojmë se pas vetingut të drejtësisë më të cilin Xhafaj synonte të kapte dhe vinte nën urdhra magjistarët, Xhafaj iu vërsul policisë. Me nje proces të vjedhur në stil nga vetingu i drejtësisë, Xhafaj synonte kontrollimin personal të kupolës së policisë.

Domethënë vëllai i Geronit dhe shoqërisë së Geronit, kishte në plan të kapte gjithë piramidën e policisë. Procesi dështoi sepse askush nuk kishte në plan të vihej nën urdhrat e vëllait të Geronit. Ai "treg" ka më të fortë sesa vëllai i Fatmirit!

Komisioni i vetingut të policisë përfundoi punë pa nisur punë dhe të emëruarit nga Xhafaj në atë komision u kthyen nëpër pozicionet e mëparshme. Askush sot nuk përmend faturën, të paktën të rrogave, që morën anëtarët e asaj trupe, por kjo nuk e bën Fatmirin të ketë vrasje ndërgjegje ose më keq akoma, të ketë turp. (lexo këtu)

Fatmir Xhafaj provoi që të kapte sistemin e drejtësisë, por tani sa herë bie fjala te faji për arrestimet mes socialistësh, fajin nuk e ka Fatmiri. Me logjikën e ngjarjeve del se Fatmiri e paska kapur sistemin vetëm për hallin e vet personal, por jo edhe për grupimin politik ku përfaqësohet.

Fatmiri do që të tjereve t'u dalë tymi, por fijet e veta i përdor vetëm për bashkëpunëtorët e vet, si Lali Eri dhe për familjen e vet biologjike si dhëndri i vet, i përfshirë po aq sa drejtorët e tjerë të Veliajt në aferat e lejeve të ndërtimit. (lexo këtu)

Fatmir Xhafaj nisi një proces spastrimi të policisë me qëllimin e kapjes jo të katarsisit. Nëse do ishte katarsis, atëherë reformatori vështirë se do quhej "Fatmir Xhafaj". Sot vetingu i policisë mori vetem dy-tri jetë policësh periferie. Të mjerët i kaploi dëshpërimi, kur panë formularët e Fatmir Xhafajt ku u kërkohej të deklaronin edhe sa pula kishin pasur në oborr. Akoma më keq kur krahasuan atë që u kërkonin atyre, me të vërtetat që dinin. Dhe diku, dikush mori edhe vendimin e vet duke i drejtuar kokës armën e shërbimit. Dhe e mbyllën me nder, me-nder-vetingun e Xhafajt.

Tani zoti vetingbërës është zgjuar me ide të reja. Meqë SPAK-un nuk e kapi dot as me veting e as me komision reformash, ka zgjedhur që ta kapë gjithë administratën duke shpikur vetingun e kësaj të fundit. Fatmir Xhafaj tani po kërkon që të gjithë anëtarët e organeve kushtetuese dhe atyre të krijuara me ligje të veçanta, të futen në vetingun e Fatmirit.

Të gjithë drejtorët e institucioneve të vartësisë të ministrive, do futen te vetingu i Fatmirit. Te vëllai i Geronit!
Ligji antimafia është aty edhe për vëllain e Fatmirit, por Fatmiri është aty veç për të vetuar gjithë dynjanë. Ai vetë si ndërtues pallatesh nuk ka emër në letra dhe pallatet nuk ndërtohen nga drejtorët e ministrive.

Fatmiri si pronar agroturizmi nuk ka emrin e vet në letra, sepse për këtë ka zgjedhur "komshiun" e vet të besuar, por ama Fatmiri është betuar t'u nxjerrë ujin e zi drejtorëve të Ramës? Si ata policët e mjerë edhe këta do duhet të kalojnë dilemën e atyre policëve të mjerë. (lexo këtu)

Nuk ka njeri që e njeh më mirë hajdutin me pushtet sesa nëpunësit e ministrive. Nuk ka ministri hajdute, ka ministra hajdutë.

Xhafaj me "vetingun" e vet të radhës po kërkon që gjithë administratën ta shpallë fillimisht me ligj si administratë hajdutësh dhe pastaj t'i marrë me radhë dhe të vendosë cilët janë ata që e meritojnë që ai (Fatmiri) t'ia heqë njollën. Këtij projekti po i shërben sot Komisioni i Fatmir Xhafajt./CNA 





Lajmet e fundit nga