web counter
LEXO PA REKLAMA!

SHKARKO APP

App Store
Google Play

Tabaku, thirrje Petrit Malajt: Rikthe pagesën e taksës antikushtetuese për profesionistët

6 Gusht 2024, 09:47, Politikë CNA
Tabaku, thirrje Petrit Malajt: Rikthe pagesën e taksës antikushtetuese
Jorida Tabaku

Në një postim në "Facebook", deputetja demokrate, Jorida Tabaku, shprehet se profesionistëve të lirë u duhet rikthyer çfarë iu mor padrejtësisht, pra kësti i taksës antikushtetuese. 

Ajo thekson se vendimi i parë që ministri i ri i Financave, Petrit Malaj, duhet të dërgojë në tavolinën e qeverisë është rikthimi kësaj pagese që u mor padrejtësisht dhe pandershmërisht në një kohë që Gjykata Kushtetuese po shqyrtonte çështjen e dërguar prej PD dhe profesionistëve të lirë.

Reagimi i plotë: 

Profesionistëve të lirë u duhet rikthyer çfarë iu mor padrejtësisht, kësti taksës antikushtetuese!
Qeveria vazhdon të heshtë për rikthimin e këstit të taksës që padrejtësisht u ka marrë profesionistëve të lirë. Të jemi të qartë, shtresa e mesme ka paguar padrejtësisht një këst të taksës antikushtetuese të profesionistëve të lira. Atyre u duhet kthyer ajo që është marrë padrejtësisht dhe pandershmërisht!

Vendimi parë që Ministri Finamcave duhet të dërgojë në tavolinën e qeverisë është rikthimi kësaj pagese që u mor padrejtësisht dhe pandershmërisht në një kohë që Gjykata Kushtetuese po shqyrtonte çështjen e dërguar prej PD dhe profesionistëve të lirë.
Nuk ka asnjë logjikë ligjore, ekonomike dhe administrative që qeveria të mbajë në arkë 10 mln euro që u janë marrë profesionistëve të lirë!

Nëse qeveria sot hesht kjo vjen si pasojë e vendimit të saj politik për t’u sekuestruar padrejtësisht 10 mijë qytetarëve që kanë një biznes të vogël të ardhurat që u takojnë atyre. Koha t’u rikthehet qytetarëve ajo që iu mor padrejtësisht dhe pandershmërisht!

Na duhet një qeveri e ndershme që i trajton me dinjitet qytetarët. Që respekton sipërmarrjen! Që nuk mbingarkon me taksa dhe nuk fut dorën në xhepin e shtresës së mesme edhe kur Kushtetuta e ndalon! Nuk do ndalemi për sa kohë nuk do u rikthehet ç’ka u është marrë shtresës së mesme!/CNA 





Lajmet e fundit nga