web counter
LEXO PA REKLAMA!

SHKARKO APP

App Store
Google Play

E fundit!

x

Dumani udhëheq delegacionin në Brazil/ Ambasada e SHBA-së mbështet kreun e SPAK-ut

5 Nëntor 2024, 20:01, Aktualitet CNA

Dumani udhëheq delegacionin në Brazil/ Ambasada e SHBA-së

Drejtuesi i Prokurorisë së Posaçme, Altin Dumani kryesoi një delegacion që udhëtoi në Brazil për të forcuar bashkëpunimin në fushën e zbatimit të ligjit kundër krimit të organizuar.

Për udhëheqjen e këtij delegacioni nga Dumani ka ardhur edhe një reagim nga ambasada amerikane në Tiranë.

Në deklaratën e ambasadës amerikane thuhet se Dumani u shoqërua nga një hetues i BKH-së, si dhe këshilltari ligjor amerikan dhe një agjent i FBI-së i vendosur pranë SPAK-ut”.

Dumani udhëheq delegacionin në Brazil/ Ambasada e SHBA-së

“Drejtuesi i Prokurorisë së Posaçme, Altin Dumani kryesoi një delegacion që udhëtoi në Brazilia dhe Sao Paulo, Brazil për të forcuar bashkëpunimin me partnerë të rëndësishëm të fushës së zbatimit të ligjit në çmontimin e rrjeteve ndërkombëtare të krimit të organizuar.

Z. Dumani dhe kolegët e tij u angazhuan me zyrtarë dhe prokurorë të policisë braziliane të nivelit më të lartë dhe shkëmbyen informacion për fuqinë dhe rolin e jashtëzakonshëm që grupet e krimit të organizuar shqiptar kanë në transportimin e sasive të mëdha të kokainës nga Amerika e Jugut në Europë. Zyra Tejoqeanike për Zhvillimin, Ndihmën dhe Trajnimin e Prokurorisë (OPDAT) mundësoi vizitën, e cila u financua nga Byroja Ndërkombëtare për Narkotikët dhe Çështjet e Zbatimit të Ligjit (INL) e Departamentit të Shtetit të SHBA.

Dumani udhëheq delegacionin në Brazil/ Ambasada e SHBA-së

Z. Dumani iu bashkuan katër prokurorë të tjerë të SPAK-ut, këshilltari ligjor i SPAK-ut, një hetues i BKH-së, si dhe këshilltari ligjor amerikan dhe një agjent i FBI-së të vendosur pranë SPAK-ut”, thekson ambasada e SHBA-së.

Ndërkohë, Dumani deklaroi në takim se me bashkëpunimin e partnerëve po hidhen hapa të rëndësishëm në luftën kundër rrugëve të trafikut të kokainës.

“Forcimi i partneritetit të SPAK dhe krijimi i kanaleve të drejtpërdrejta të komunikimit me homologët tanë në Brazil është jetik për gjurmimin dhe ndërprerjen e aktiviteteve kriminale që prekin dy vendet tona. Së bashku, po bëjmë hapa të rëndësishëm në luftën kundër rrugëve të trafikut të kokainës që kërcënojnë sigurinë e Shqipërisë dhe BE-së”, nënvizoi kreu i SPAK-ut./ CNA





Lajmet e fundit nga