web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni me kompensimin e ish-pronarëve/ Lihet në burg një person

5 Nëntor 2024, 15:46, Aktualitet CNA

Korrupsioni me kompensimin e ish-pronarëve/ Lihet në burg një

Gjykata e Posaçme ka lënë në burg një person për korrupsion, lidhur me kompensimin e pronave të 22 ish-pronarëve.

Gjykimi i kësaj çështjeje u zhvillua me rregullat e gjykimit të shkurtuar.

GJKKO shpalli fajtor të pandehurin Artur Gashi për kryerjen e veprës penale “Korrupsioni aktiv i personave që ushtrojnë funksione publike”, parashikuar nga neni 244 i Kodit Penal, para ndryshimeve që janë bërë me ligjin nr.43 të vitit 2021 dhe dënimin e tij me 6 muaj burgim.

Në zbatim të nenit 406/1 të Kodit të Procedurës Penale, të pandehurit Artur Gashi i ulet 1/3 (një e treta) e dënimit dhe përfundimisht dënohet me 4 muaj burgim.

Vuajtja e dënimit merr në konsideratë edhe kohën e qëndrimit në masë sigurimi “Arrest në shtëpi”.

Vendimi u mor nga trupa gjykuese e përbërë nga gjyqtarët Elsa Ulliri, Ardit Mustafaj dhe Bib Ndreca.

Kujtojmë se ngjarja, ku është i implikuar Gashi, është dokumentuar në vitin 2023 me arrestimin e ish-kreut të Kadastrës, Ilir Kapetani, dhe 14 personave që dyshoheshin se kishin dhënë ryshfet.

Në bazë të hetimeve të kryera, sipas SPAK-ut janë dokumentuar të paktën 14 raste, në të cilat ish-punonjësi i Kadastrës u ka marrë para qytetarëve të ndryshëm.

Ilir Kapetani, me detyrë inspektor i shqyrtimit të Dosjeve në Kadastër, dyshohet se u merrte ish-pronarëve dhe u premtonte atyre kompensim financiar të pronave, gjatë trajtimit të kërkesave të tyre për kthimin dhe kompensimin e pronës./ CNA





Lajmet e fundit nga