web counter
LEXO PA REKLAMA!

SHKARKO APP

App Store
Google Play

Meta “hap thesin” nga qelia: Kam marrë oferta për t'u arratisur

4 Nëntor 2024, 12:45, Aktualitet CNA

Meta “hap thesin” nga qelia: Kam marrë oferta për t'u

Kreu i Partisë së Lirisë, Ilir Meta, "ka hapur thesin". Në një intervistë për mediat, Meta është rrëfyer nga qelia ku është shprehur se ka marrë oferta për t'u arratisur.

“Unë i kam pasur të gjitha mundësitë (edhe ofertat) për t’u larguar nga vendi dhe kjo jo vetëm s’ka ndodhur, por s’ka lidhje me karakterin tim, për më shumë që do justifikoja akuzat false të Ramaformës dhe do braktisja ata që më kanë zgjedhur dhe më mbështesin.

Llogaritë e tyre për të më bllokuar e 'lodhur' gjatë 10 muajve të fundit nuk funksionuan. As përpjekja e tyre për të prishur Konventën historike të 27 prillit, që miratoi 5 Prioritetet për 4 milionë shqiptarë plus.

Dështuan edhe përpjekjet e mëpasshme për të bllokuar organizimin e Partisë së Lirisë dhe veprimtarinë e saj financiare, aq sa financierja e PL për 20 vite u largua nga detyra vetëm duke lënë çelësat te roja i partisë dhe pa bërë asnjë dorëzim, detyrë e sqarim të problemeve të trashëguara.

Por zgjedhjet po afrojnë dhe koha nuk u priste më, ndaj vepruan në këtë mënyrë banditeske. Duan të çorodisin e trembin opozitën e vërtetë dhe të krijojnë hapësira për partiçkat ‘fake’ opozitare, që ushqehen nga regjimi, nga qeveria, bashkia dhe fondacionet famëkeqe të rekrutimit dhe shpëlarjes së mendjes së të rinjve,” është shprehur Meta në një intervistë për mediat./ CNA





Lajmet e fundit nga