web counter
LEXO PA REKLAMA!

SHKARKO APP

App Store
Google Play

E fundit!

x

Mazhoranca çliron rezolutën për KLSH-në, ndërsa Braçja tallet me kolegët e PS-së

15 Tetor 2024, 16:57, Editorial CNA
Mazhoranca çliron rezolutën për KLSH-në, ndërsa
Erion Braçe në mbledhjen e Komisionit për Ekonominë dhe Financat

Më në fund, mazhoranca, nëpërmjet Komisionit për Ekonominë dhe Financat, zhbllokoi procesin e raportimit të Kontrollit të Lartë të Shtetit.

Më në fund Komisioni "Shalsi", futi në rend të ditës miratimin e projekt-rezolutës "për Veprimtarinë e KLSH-së gjatë vitit 2023 dhe rekomandimet për vitin 2024".

Ajo që është qesharake si fillim, është shqyrtimi (rekomandinet nuk janë miratuar ende në Seancë Plenare), në mes të tetorit 2024, të rekomandimeve për vitin 2024.

Mazhoranca çliron rezolutën për KLSH-në, ndërsa
KLSH

Nëse Shalsi & Co, të Komisionit të Ekonomisë, arrijnë t’i miratojnë rekomandimet brenda tetorit, ato rekomandime më mirë t’i quajnë "për periudhën nëntor-dhjetor 2024", sesa "për vitin 2024".

Beteja kundër KLSH-së u stis nga Shef Shalsi në koordinim me Fatmir Xhafajn.

Nuk është i rastësishëm protagonizmi i Erion Braçes në seancën e diskutimit të draft-rezolutës për KLSH-në.

Ligji me të cilin funksionon KLSH-ja është hartuar me protagonizmin e Erjon Braçes. Transparenca e KLSH-së dhe metoda e miratimit të planeve të auditimit, të grupeve të auditimit, etj., që në ditën e parë të aplikimit të ligjit e deri më sot, janë të njëjtat.

Në 15 vjet nuk ka pasur probleme Kuvendi me transparencën e KLSH-së.

Këtu mund të shtohet edhe fakti se vlerësimi transparencës së organeve të administrimit publik, nuk bëhet nga Kuvendi, por nga Komisioneri Shtetëror përkatës që mbikëqyr të drejtën e informimit.

Mazhoranca çliron rezolutën për KLSH-në, ndërsa
Kuvendi

Edhe vetë Kuvendi vlerësohet nga ai institucion për nivelin e transparencës.

Në këtë kuptim, Shalsi, Braçja dhe Fatmir Xhafaj nuk mund të bëjnë vlerësime kryesisht, por duhet tu ishin referuar vleresime të Komisionerit që ka tagrin ligjor për vlerësim të nivelit të transparences. (Lexo këtu)

Me sa duket presioni ka dhënë frytet e veta, ndaj tani administratorët e maxhorancës kanë shpikur këtë rekomandimin e nevojës për transparencë për të dale faqebardhë nga beteja false kundra KLSH.

Mazhoranca çliron rezolutën për KLSH-në, ndërsa
Erion Braçe

Në fund të seancës u votua për ndryshimet e propozuara nga kryetari i komisionit, Eduart Shalsi, i mbështetur fort nga Erion Braçe.

Sipas draft-rezolutës së miratuar nga Shalsi-Braçe, KLSH-ja duhet të bëjë transparente kohëzgjatjen, planin dhe grupin e auditimit.

Mazhoranca në këtë draft-rezolutë beson se mund të vendosë kufij dhe kritere në mënyrën si do të kontrollohen institucionet publike.

Mazhoranca çliron rezolutën për KLSH-në, ndërsa
Foto arkiv, mbledhja e Komisionit për Ekonominë dhe Financat

Por kjo me gjasë është e pamundur. KLSH është institucion kushtetues dhe kufijtë dhe kriteret i burojnë nga Kushtetuta, ligji i vet organik dhe parimet e auditimit publik, që janë standarde europiane jo Shalso-Braçjane. (Lexo këtu)

Edhe mes deputetëve të PS-së nuk u kuptua dot se çfarë po kërkohej me këtë kërkesën për transparencë!

Pranvera Resulaj psh, deputete e PS-së tha: "Kemi vënë re që në faqen zyrtare janë publike auditimet, audituesit, periudhat. Çfarë duhet të publikohet që në nisje se nuk jam shumë e qartë?"

Mazhoranca çliron rezolutën për KLSH-në, ndërsa
Pranvera Resulaj

Përpjekja e Braçes për t’i "shpjeguar" rekomandimin, nuk duhet t'a ketë lënë shumë të sqaruar pranverën e shkretë.

Erion Braçe: "Ajo që ne po kërkojmë t’i caktojë vetë, t’i bëjë vetë ama t’i bëjë transparente. Për një auditim të caktuar të ketë një proces të caktuar. Nuk mund të jetë thjesht dhe vetëm vullneti im personal, që unë do caktoj Erionin  Frrokun dhe Albanin."

Me sa duket këtë Pranverën ose Braçja e mban për budallaçkë, ose ky është stili i menaxherëve të mazhorancës për t’i thënë ushtarëve "qepeni ju se këtë punë e dimë ne"./ CNA





Lajmet e fundit nga