E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Bardhi përplaset me Shalsin: Po shkelni pavarësinë e KLSH-së, pse duhet të ballafaqohet Mimoza Dhëmbi?

25 Korrik 2024, 11:16, Politikë CNA

Bardhi përplaset me Shalsin: Po shkelni pavarësinë e

Eduard Shalsi dhe Gazment Bardhi

Me debate ka nisur seanca e sotme plenare.

Kreu i Grupit Parlamentar të PD-së, Gazment Bardhi, u shpreh se mazhoranca po cenon pavarësinë e KLSH-së. Ai theksoi se është e paprecedentë që drejtoresha e Përgjithshme e Buxhetit në Ministrinë e Financave, Mimoza Dhëmbi, të ballafaqohet me KLSH-në te Komisioni i Ekonomisë.

Sipas tij kjo është shkelje e hapur e pavarësisë së KLSH-së dhe theksoi se Komisioni i Ekonomisë duhet të mblidhet sot, të miratojë draftrezolutën dhe KLSH duhet të thirret nesër të raportojë.

“Në mënyrë të pashpjegueshme ju nuk keni përfshirë as sot, as nesër raportimin e një institucioni kushtetues, KLSH.?Madje ka ndodhur e duhet ta dënojmë një praktikë të tillë në Komisionin e Ekonomisë, KLSH u vu përballë një situate të pandodhur, ku një rast specifik i një rekomandimi të lëshuar nga KLSH është tentuar të ballafaqohet me një nëpunëse publike me KLSH. Praktikë e tillë nuk ka ndodhur më parë dhe është shkelje e hapur e pavarësisë së KLSH-së.?E kuptoj që veprimtaria e KLSH-së mund të ketë shqetësuar shumë kolegë në sallë.?Komisioni i Ekonomisë duhet të mblidhet sot, të miratojë draftrezoluta dhe KLSH-ja duhet të thirret nesër të raportojë. Ju zonja kryetare keni shkelur çdo afat sepse është detyra juaj që kalendari të zbatohet nga komisionet. Mundësoni që sot të mblidhet Komisioni i Ekonomisë dhe nesër në rend dite të përfshihet raportimi i KLSH-së”, u shpreh Bardhi.

Nga ana tjetër, kryetari i komisionit të Ekonomisë, Eduart Shalsi, tha se Moza Dhëmbi, ushtron një funksion për të cilin KLSH-ja ka kërkuar shkarkimin nga detyra.

"Nuk përmbajnë asnjë habi qëndrimet e hallakatura të... që s’mund t'i thuash as grup. Shpresoj që Bardhi të jetë iluminuar mbi nënkomisionin që sapo miratuam, ku një anëtar dha dorëheqjen sapo kishim rënë dakord. Bardhi t’u kërkojë ndjesë partnerëve ndërkombëtarë. Moza Dhëmbi ushtron një funksion për të cilin KLSH ka kërkuar shkarkimin nga detyra. Është precedent i ri për Komisionin e Financave, por ditën që vëmendjen tonë erdhi shkarkimi nga detyra i një njeriu të një rangu të lartë, i cili vjen për të mbrojtur buxhetin i kërkuam që të sqaronte motive dhe arsyet që e kanë çuar në një masë të tillë ekstreme një punonjëse për të cilin grupi i PD-së ishte shqetësuar", u shpreh Shalsi./CNA