web counter
LEXO PA REKLAMA!

SHKARKO APP

App Store
Google Play

Çuçi sulmon Gjykatën Kushtetuese për Xhaçkën/ “Tentoi të krijojë një normë të re që nuk i lejohet”

24 Korrik 2024, 12:15, Politikë CNA
Çuçi sulmon Gjykatën Kushtetuese për
Kreu i Grupit Parlamentar të PS-së, Bledi Çuçi

Kreu i Grupit Parlamentar të PS-së, Bledi Çuçi, ka reaguar në lidhje me vendimin e Gjykatës Kushtetuese për të mos dërguar në komisionin e Venecias mandatin e deputetes Olta Xhaçka.

Çuçi tha se ndihet i keqardhur nga vendimi, ndërsa deklaroi se Gjykata Kushtetuese ka tentuar të krijojë një normë të re ligjore, që nuk ia lejon Kushtetuta.

Ai këmbënguli se Partia Socialiste do të kërkojë një mendim nga Komisioni i Venecias për çështjen e Xhaçkës.

“Çështja e raportit të Parlamentit me GJK mendoj se është raport që e përcakton qartë Kushtetuta. GJK ka autoritetin të shfuqizojë çdo ligj, vendim, akt, të marrë nga Kuvendi nëse e gjykon që është në kundërshtim me Kushtetutën.

Ka pasur një vendim të GJK që ka shfuqizuar 2 vendime të Kuvendit dhe Kuvendi pa dyshim nuk e diskuton vendimin, por i shfuqizoi.
Në rastin konkret ka një paqartësi mbi faktin nëse duhet që një deputet apo të gjithë të votojnë në një formë të caktuar të detyruar nga një vendim jo nga ajo çfarë mendojnë. Ky është një debat që nuk ka gjetur zgjidhje as me vendimin e GJK.

Përkundrazi GJK në gjykimin tonë ka tentuar të krijojë një normë të re ligjore, që nuk ia lejon Kushtetuta. Thjesht duhet të gjykojë normat ekzistuese. Deputetët kanë të drejtë të votojnë siç mendojnë. Ia njeh Kushtetuta. Madje deputeti nuk mban as përgjegjësi për votën e tij e parashikon neni 73. Kemi menduar t’i kërkojmë Komisionit të Venecias një mendim përfundimtar për të zgjidhur ngërçin”, tha ai./ CNA





Lajmet e fundit nga