web counter
LEXO PA REKLAMA!

SHKARKO APP

App Store
Google Play

E fundit!

x

Seanca e fundit e sesionit parlamentar/ Pritet miratimi i Reformës Zgjedhore dhe shtyrja e afatit të komisionit hetimor të ‘Shëndetësisë’

20 Korrik 2024, 22:16, Politikë CNA
Seanca e fundit e sesionit parlamentar/ Pritet miratimi i Reformës
Parlamenti i Shqipërisë

Kuvendi do të mbyllë punimet e sesionit veror, të enjten e 25 korrikut. Ndërkohë që në rendin e ditës do të jetë raporti për veprimtarinë vjetore të Kontrollit të Lartë Shtetit për vitin 2023, deputetët pritet të votojnë dhe disa projektligje, si ai për Policinë e Shtetit apo dhe projektdrafti për ratifikimin e kontratës financiare ndërmjet Shqipërisë dhe Bankës Europiane të investimeve për linjën hekurudhore Vorë- Hani i Hotit.

Por ajo çka pritet të sjellë dhe debate të nxehta mes maxhorancës dhe opozitës diskutimi i propozimit të grupit të ekspertëve të opozitës për Reformën Zgjedhore, i cili ka të bëjë me votën e diasporës dhe herësit për të cilat palët kanë rënë dakord parimisht.

Një propozim tjetër që vjen nga opozita është edhe lista mikse për të cilën Përfaqësuesi i Partisë Socialiste për Reformën Zgjedhore në Grupin për Dialogun, Damian Gjiknuri deklaroi se duhet diskutuar nëse ky propozim përputhet me vendimin e Gjykatës Kushtetuese.

Por kjo mbetet për t’u parë në ditët në vijim nëse palët bien dakort për një draft të përbashkët përfundimtar dhe ta paraqesin në Kuvend përpara datës 25 korrik.

Ndërkohë pritet që Parlamenti të marrë një vendim edhe përsa i përket shtyrjes së afatit të komisionit hetimor të check-up dhe sterilizimit./CNA





Lajmet e fundit nga