Ekskluzive/ Rama me ndryshime të forta në Kongresin Socialistëve të 27 korrikut

20 Korrik 2024, 20:22, Politikë CNA

Ekskluzive/ Rama me ndryshime të forta në Kongresin Socialistëve

Edi Rama. Kryetar i PS

Kongresi i socialistëve, i cili pritej të zhvillohej sot më datë 20 korrik, por pas një mbledhjeje të kryesisë dhe Asamblesë së PS-së u vendos të mbahet më 27 korrik.

Ashtu sikundër ka vepruar edhe 4 vite më parë Rama në këto takime të mëdha elektorale të strukturës së PS-së, njofton dhe lëvizjet që mund të bëjë në qeveri dhe struktura të partisë.

CNA ka mësuar nga burime zyrtare pranë PS-së dhe vetë Ramës, se pritet të ketë levizje të drejtuesve socialistë në qarqe.

Pritet që ministri Blendi Gonxhe të drejtojë një nga qarqet e vendit, ndërkohë që katër ministrat e tjerë, Ogerta Manastirliu, Elisa Spiropali, Niko Peleshi dhe Mirela Kumbaro nuk do të lëvizin nga zonat e tyre elektorale.

Sipas burimeve të CNA-së, drejtues politikë do të vijojnë të jenë edhe ministrat Taulant Balla, Belinda Balluku si dhe Sekretari i Përgjithshëm, Blendi Klosi.

Mësohet se ndryshimet priten të shpallen në Kongresin e socialistëve të datës 27 nga kryeministri Edi Rama.

Ndërkohë paralajmërohet se do të ketë disa ndryshime të forta të cilat ende nuk bëhen me dije, por do të jenë një mesazh i qartë I kryeministrit Rama për strukturat e Partisë Socialiste, për ministrat, drejtuesit politikë, pasi dhe fati i tyre për zgjedhjet e ardhshme do varet nga puna, aktiviteti politik dhe nga rezultati që ata pritet të japin.

Përfundimi i riorganizimit të PS-së në bazë, me propozimin e strukturave të reja drejtuesve dhe zgjedhjeve të tyre, pritet tashmë të shkojë drejt drejtuesve politikë të qarqeve. Më pas fillon dhe përgatitja e listave për deputetë që me shumë gjasa pritet të kenë shumë ndryshime. Me sa duket kongresi i datës 27 me drejtuesit e rinj politikë të qarqeve të Partisë Socialiste do të jetë një ndezje e motorëve elektoralë të socialistëve gati një vit përpara zgjedhjeve me ndryshime në disa qarqe, drejtuesish politikë, apo me disa që qëndrojnë, të cilët do të jenë ata që do të përgatisin strukturën elektorale për fushatën e mazhorancës të partisë në pushtet për zgjedhjet politike parlamentare të vitit 2025./ CNA