web counter
LEXO PA REKLAMA!

SHKARKO APP

App Store
Google Play

E fundit!

x

Berisha, 200 ditë në arrest shtëpie/ Topalli: Brutalitet, po mbahet pa prova

19 Korrik 2024, 20:33, Politikë CNA
Berisha, 200 ditë në arrest shtëpie/ Topalli: Brutalitet, po
Anëtarja e Kryesisë së PD-së, Jozefina Topalli

Anëtarja e Kryesisë së PD-së, Jozefina Topalli, ka folur për masën e sigurisë ndaj kryetarit të PD-së, Sali Berisha, i cili mbahet prej 200 ditësh në arrest shtëpie.

Topalli tha se Berisha po mbahet në arrest shtëpie në brutalitetin më të madh, pa prova, në shkeklje të Kushtetutës dhe të drejtave të njeriut.

Sipas saj, kjo tregon se Shqipëria është bërë një vend i pasigurt për të jetuar.

“Janë 200 ditë nga arrestimi i kryetarit të opozitës në Shqipëri, zotit Sali Berisha. Imagjinoni në një vend të NATO-s, sikur një orë të mbahej në arrest kryetari i opozitës do të ishte tronditje e madhe. Në vendin tonë, në brutalitetin më të madh mbajnë në arrest kryetarin e opozitës, Sali Berisha.

Kur bëhet një padrejtësi deri në nivelin e arrestimit politik të kryetarit të opozitës asnjëri nuk është i sigurt për të jetuar në vendin e tij. Po t’i shtosh kësaj se është në arrest kryetari i opozitës pa akuzë, pa prova, në shkelje të të drejtave të njeriut, në shkelje të Kushtetutës së vendit, në shkelje të të gjithë rregullave dhe precedentëve parlamentarë, dhe duke shtuar këtu se ajo që vendos për arrestin e Sali Berishës është një grua vetë e dënuar nga një vendet fqinje, e dënuar për korrupsion nga vetë Berisha dhe padia është ngritur nga vetë qeveria, kjo ka vetëm një emër dhe emri i saj është arrest politik”, theksoi Topalli./ CNA





Lajmet e fundit nga