web counter
LEXO PA REKLAMA!

SHKARKO APP

App Store
Google Play

E fundit!

x

Veliaj përballet me zemërimin e qytetarëve/ Nesër, protesta e radhës para Bashkisë së Tiranës

17 Korrik 2024, 18:50, Politikë CNA
Veliaj përballet me zemërimin e qytetarëve/ Nesër, protesta
Bashkia e Tiranës, burimi LSA

Nesër pritet të zhvillohet para Bashkisë së Tiranës protesta e radhës, ku do të kërkohet sërish dorëheqja e kryebashkiakut Erion Veliaj. 

Kjo protestë është e 16-ta para Bashkisë së Tiranës, që nga momenti kur u arrestuan drejtorët e Veliajt në mars të këtij viti.

Qytetarët kanë shprehur zemërimin për skandalet që kanë ndodhur në këtë institucion që drejtohet nga Erion Veliaj, si afera e inceneratorëve dhe dosja "5D", ku janë arrestuar pas hetimeve të SPAK-ut, një sërë drejtorësh dhe zyrtarësh. 

Edhe vetë Veliaj u mor në pyetje nga SPAK-u për aferën e inceneratorëve, ndërsa gjykata ka lëshuar masa të tjera sigurie, me urdhër të prokurorit të posaçëm.

Në protestat e fundit nuk kanë munguar tensionet, përplasjet me policinë, pasi protestuesit kanë tentuar të futen brenda godinës së bashkisë. Janë hedhur edhe flakadanë dhe shishe me benzinë, si dhe janë djegur goma. Anëtarët e opozitës në Këshillin Bashkiak të Tiranës nuk janë lejuar që të futen në institucionin e bashkisë.

Ndërkohë, Aleanca për Mbrojtjen e Teatrit dhe opozita kanë paralajmëruar se protestat nuk do të ndalen, por do të vijojnë javë pas jave./ CNA





Lajmet e fundit nga