web counter
LEXO PA REKLAMA!

SHKARKO APP

App Store
Google Play

E fundit!

x

Si përdori Veliaj diplomatin në pension për të fshehur dëbimin nga Rama

17 Korrik 2024, 18:01, Politikë CNA

Këtë të mërkurë, kryeministri Edi Rama zhvilloi një takim me kryebashkiakët e vendit, ku uvu re mungesa e Erion Veliajt.

CNA raportoi se Rama kishte dëbuar Veliajn nga mbledhja e kryebashkiakëve, pas qëndrimeve të ashpra që ka mbajtur edhe publikisht ndaj tij.

Ky i fundit, ndërkohë që zhvillohej mbledhja në Kryeministri, bëri një ceremoni për nderimin me Çelësin e Qytetit, të ish-ambasadorit të SHBA-së, Aleksandër Arvizu.

Duket se ky takim ka qenë qartazi një kamuflim i Veliajt për dëbimin nga Rama.

CNA ka mësuar nga burime brenda PS-së se të gjithë kryetarët e bashkive janë njoftuar më 8 korrik, para 9 ditësh për takimin sot me Ramën.

Pra, Veliaj ka patur 9 ditë kohë për të bërë agjendën. Në mesazhin që i është dërguar kryebashkiakëve, të siguruar nga CNA, thuhet se prezenca e secilit kryetar bashkie është e domosdoshme për mbarëvajtjen e takimit.

Si përdori Veliaj diplomatin në pension për të fshehur

Kjo vërteton edhe njëherë se Veliaj është përjashtuar nga kreu i qeverisë dhe ka sajuar takimin me Arvizunë. Ai ka përdorur një diplomat në pension për të kamufluar në publik krisjet mes tij dhe kryeministrit.

Rama duket se e ka shpallur “non-grata” Veliajn pas aferave të njëpasnjëshme në Bashkinë e Tiranës dhe arestimeve të drejtorëve të këtij të fundit.

Pasi e fshiu disa herë nga fotot e takimeve, kreu i qeverisë e ka përjashtuar kryebashkiakun e Tiranës edhe nga një takim i rëndësishëm, siç ishte ai i sotmi për problematikat në qarqe./ CNA





Lajmet e fundit nga