web counter
LEXO PA REKLAMA!

SHKARKO APP

App Store
Google Play

E fundit!

x

Opozita nis fushatën në Himarë/ Petro Gjikuria: Do vë në zbatim programin e Belerit

17 Korrik 2024, 22:15, Politikë CNA

Himara do të votojë më 4 gusht në zgjedhjet e pjesshme për kreun e ri të bashkisë, që vjen pas vendimit KQZ-së për të shpallur të pavlefshëm mandatin e Fredi Belerit, teksa ky i fundit ndodhet në burg, i akuzuar për korrupison aktiv, kryer në bashkëpunim në zgjedhjet e 2023-shit.

Opozita e bashkuar tashmë ka preznatuar kandidatin e saj, Petro Gjikuria që ka nisur edhe fushatën elektorale.

Në takimin e parë në zonën Himara-Fshat, ka qenë prezent edhe kreu i PBDNJ-së, Vangjel Dule .

Gjikuria në fjalën e tij tha se do të vërë në zbatim programin e Fredi Belerit, teksa nuk mungoi edhe komunikimi në gjuhën greke.

“Thonë edhe se Fredi nuk është me mua, është gënjeshtër shumë e madhe, prania e Petro Belerit dëshmon të kundërtën. Do të vë në zbatin programin e Fredi Belerit.

Sot Himara ka eurodeputetin e saj dhe në 4 gusht do të ketë dhe kryetarin e bashkisë. Bashkia Himarë nuk ka më kohë për të humbur. Prej vitesh vendi ynë ka mbetur pas teksa bota përparon. Një vend me njerëz punëtorë që kanë shkëlqyer kudo. Sot nuk është e denjë as për qytetarët e vet. Për 12 vite patëm një kryetar bashkie partiak. Një kryetar që qëndroi shumë kohë për të ndryshuar shumë pak. Fredi Beleri e pa veten pas burgut me akuza të fabrikuara. Qeveria ndryshon krerët e bashkisë dhe i kërcënon me burgim nëse nuk bëjnë atë që u thuhet. Këta janë marioneta pa asnjë mundësi për të zgjidhur problemet. Më kujtohet kur kandidoi Beleri për herë të parë në vitin 2015, ku isha dhe unë dhe votova. Më kujtohet kur në vitin 2019 nuk e lejuan. Mbaj mend se vjet sa u zemërova për arrestimin e tij dhe sa u lumturova kur u zgjodh kryetar bashkie”, tha ai.

Petro Gjikuria, biznesmeni shqiptaro-amerikan vjen në këtë garë elektorale, ku do të përballet me kandidatin e PS-së, Vangjel Tavo./ CNA





Lajmet e fundit nga