web counter
LEXO PA REKLAMA!

SHKARKO APP

App Store
Google Play

E fundit!

x

“Të kanë marrë peng bandat”/ Bardhi “përplaset” keq me Felajn: Burri jot…

18 Korrik 2024, 19:27, Politikë CNA
“Të kanë marrë peng bandat”/ Bardhi
Kreu i Grupit Parlamentar i PD-së, Gazment Bardhi

Kreu i Grupit Parlamentar i PD-së, Gazment Bardhi është “përplasur” ashpër me nënkryetaren e parlamentit, Ermonela Felaj, teksa po fliste për mikrokreditë gjatë raportimit të Guvernatorit të Bankës së Shqipërisë, Gent Sejko.

Felaj i kërkoi Bardhit të mos fliste, duke deklaruar se ai është në konflikt interesi.

Ajo i kujtoi akuzat e ngritura ndaj Bardhit për interesa me përmbaruesit privatë, por kreu i Grupit të PD-së deklaroi se edhe Felajn e kanë akuzuar për pengmarrje nga bandat.

Pjesë nga debati:

Felaj: Në qershorr 201, kur keni qenë ministër teknik keni nxjerrë një vendim për të cilin njerëz të partisë suaj ju kanë akuzuar publikisht.

Bardhi: Patjetër, për çfarë më kanë akuzuar?

Felaj: Kështu që nëse keni konflikt interesi uluni dhe mos e vijoni këtë gjë.

Bardhi: Për çfarë më kanë akuzuar?

Felaj: Nëse jeni do iishte mirë të mos kishit folur. Ju kanë akuzuar që keni interesa të përmbaruesve privatë

Bardhi: Ty të kanë akuzuar se të kanë marrë bandat peng dhe nuk po themi gjë…

Felaj: Mos u fusni në histori të tjera se do dalësh keq…

Bardhi: Nuk dal keq se unë mbaj përgjegjësi për çdo firmë që hedh ndryshe nga ju që ju marrin peng bandat…

Felaj: Nuk po flisni për procedurë, kush është shqetësimi juaj?

Bardhi: Ndaj është guvernatori këtu për të na dhënë shpjegime, s’ka nevojë për shpjegime…

Felaj: Këtu ka nevojë që të ngremë një alert që dokumentet e dosjeve bien në dorën tuaj…

Bardhi: Po moj bien, se nuk do bien vetëm në dorën tënde dhe të burrit tënd…

Felaj: Të ngeli vetëm emri kush ta ka dhënë…

Bardhi: Pse do ta them ty? Burri jot ma solli, a punon në Prokurori? Më solli dosjen për Guvernatorin…

Felaj: Uluni se po kaloni çdo nivel etike./ CNA





Lajmet e fundit nga