web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet vendimi i arsyetuar/ Pse Gjykata e Apelit nuk ia dha vulën Bashës

19 Korrik 2024, 17:43, Politikë CNA
Zbardhet vendimi i arsyetuar/ Pse Gjykata e Apelit nuk ia dha vulën
Fotomontazh - Sali Berisha dhe Lulzim Basha

Gjykata e Apelit ka zbardhur këtë të premte vendimin e arsyetuar për vulën dhe siglën e Partisë Demokratike, të cilat ia dha grupimit të Sali Berishës.

Në një vendiim prej 33 faqesh, Gjykata e Apelit thotë se Basha nuk është organi që përfaqëson juridikisht Partinë Demokratike, pasi tha dorëheqjen më 21 mars të 2022-shit.

“Gjykata e Apelit vlerëson se pavarësisht se dorëheqja e kryetarit të PDSH z. Lulzim Basha nuk është kryer në formën shkresore dhe as ka gjetur pasqyrim në regjistrin e partive politike, është një fakt i njohur botërisht dhe i pranuar dhe nga organe të tjera administrative dhe gjyqësore vendimmarrëse në procesin zgjedhor. Sipas vendimit nr.27, datë 16.03.2023 të KAS të lënë në fuqi me vendimin nr.5 datë 27.03.2023 të Kolegjit Zgjedhor Gjyqësor, PDSH është përfaqësuar në zgjedhjet vendore të vitit 2023 me nën/kryetar z.Enkelejd Alibeaj, për shkak se është pranuar që kryetari z.Lulzim Basha ka dhënë dorëheqje në datë 21.03.2022. Nga këto akte provuese, provohet se z.Lulëzim Basha nuk ka qenë organi që përfaqëson juridikisht tek të tretët PDSH-në, në momentin e regjistrimit të ankimit 04.04.2022, pasi është njohur dorëheqja e tij në datë 21.03.2022", thuhet në vendim.

Për këtë arsye, Gjykata vlerëson se për shkak të dorëheqjes, autorizimi i Bashës për të komanduar Alibeajn në krye të PD-së nuk ka vlera juridike.

Si rrjedhojë, Alibeaj nuk ka pasur tagrin e përfaqësimit juridik të PD-së në gjykim.

“Me dorëheqjen publike të z.Lulzim Basha në datën 21.03.2022 autorizimi i lëshuar nga ky i fundit për z.Alibeaj ka mbaruar juridikisht dhe nuk ka qënë më i aftë të prodhojë asnjë pasojë juridike. Autorizimi i z.Lulzim Basha i datës 15.09.2021 nuk kishte më vlerë juridike pas datës 21.03.2022, pas dorëheqjes së tij publike. Gjykata e Apelit vlerëson se z. Alibeaj nuk ka pasur legjitimim procedural në përfaqësimin e ankuesit PDSH në gjykim dhe në paraqitjen dhe nënshkrimin e aktit “Ankim”.”, theksohet më tej në vendim./ CNA

Vendimin e plotë e gjeni më poshtë:

Dokumenta bashkëngjitur





Lajmet e fundit nga