web counter
LEXO PA REKLAMA!

SHKARKO APP

App Store
Google Play

E fundit!

x

Berisha e sulmoi/ Luli kërcen pupthi

19 Korrik 2024, 22:24, Politikë CNA
Berisha e sulmoi/ Luli kërcen pupthi
Sali Berisha dhe Lulzim Basha

Ish-kryeministri Sali Berisha sulmoi mbrëmjen e sotme Lulzim Bashën dhe ish-ambasadorin Alastair King-Smith, gjatë fjalës në protestën e mbështetësve të tij.

Berisha tha se Basha shpifi ndaj tij, duke thënë se kishte lidhje me Suel Çelën, ndërsa Alistair King-Smith “e përcolli shpifjen si të vërtetë te qeveria britanike”.

Sipas tij, kjo akuzë ka ndikuar në vendimin e Britanisë së Madhe për sanksionin “non-grata”.

Berisha e sulmoi/ Luli kërcen pupthi
Ish-kryeministri Sali Berisha

“A e dini ju o miq, për të mos hyrë në këto, do ua tregoj këtë se njeriu që ka denoncuar më shumë se kushdo tjetër me Suel Çelën, me Safet Bajrën, me Rrajat, me stër-Rrajat, jam unë. Kurse Alistair King-Smith ambasadori i madhërisë së tij, ka marrë shpifjen e Lulzim Bashës dhe e ka përcjellë si të vërtetë në qeverinë e tij se Berisha ka lidhje me Suel Çelën.

Turp të kesh o ambasador, se nuk përfaqëson... ti turpëron vendin tënd. Ti turpëron Europën”, u shpreh ai.

Pas kësaj deklarate, ka reaguar me shpejtësi Lulzim Basha në rrjetet sociale.

Ky i fundit thotë se Berisha po bën dallavere me akuza të lodhura, për të fshehur pazarin me kryeministrin Edi Rama.

Berisha e sulmoi/ Luli kërcen pupthi
Lulzim Basha

“Mashtrimet që riciklohen nga kati i 8-të nuk janë gjë tjetër veçse dallaveret e radhës për të fshehur pazarin me Ramën për mbylljen e listave dhe vendimin e 11 qershorit.

Në ditën kur Gjykata ka dhënë argumentin më qesharak për skandalin e vendimit të 11 qershorit, ai mundohet të riciklojë shpifje për të fshehur këtë pazar të ndyrë me Edi Ramën dhe oligarkët e përbashkët.

Pazari për Amnistinë, pazari skandaloz për vulën dhe sabotimi i Reformës Zgjedhore janë gjyle në këmbën e shqiptarëve dhe demokratëve, që duan drejtësi dhe një Reformë Zgjedhore të vërtetë.

Akuzat e lodhura të cilat janë hedhur poshtë edhe me vendim Gjykate në Britani të Madhe, nuk davarisin dot duhmën që lëshon marrëveshja e tij me Edi Ramën, që kundërmon brenda dhe jashtë vendit”, thekson Basha./ CNA





Lajmet e fundit nga