web counter
LEXO PA REKLAMA!

SHKARKO APP

App Store
Google Play

E fundit!

x

Tabaku, kritika Autoritetit të Konkurrencës: Shqiptarët po "rripen" në supermarkete dhe nga sigurimet

20 Korrik 2024, 10:38, Politikë CNA
Tabaku, kritika Autoritetit të Konkurrencës: Shqiptarët po
Jorida Tabaku

Pas raportimit në Kuvend të Autoritetit të Konkurrencës, deputetja demokrate, Jorida Tabaku, ka kritikuar sjelljen e këtij institucioni që sipas saj nuk mbron shqiptarët nga monopolet dhe oligopolet, por i promovon ato.

Në rrjetet sociale, Tabaku, njëkohësisht edhe anëtare e Komisionit të Ekonomisë dhe Financave, iu drejtua shqiptarëve duke i pyetur se cila është arsyeja që paguajnë më shumë për celularët, ushqimet dhe siguracionet?

Sipas saj, e gjithë kjo vjen sepse qeveria nuk bën detyrën e saj dhe se Autoriteti i Konkurrencës ka reshtur së kryeri punën.

Reagimi i plotë: 

Detyra e çdo institucioni të pavarur, duke përfshirë dhe Autoritetin e Konkurrencës, është mbrojtja e konsumatorit. Së pari, duke ofruar çmimet më të ulëta në treg dhe duhet siguruar konkurrencë që kjo të ndodhë. Së dyti, duke u kujdesur që ne të kemi produkte me cilësi.

Por si realizohet kjo? Duke pasur tregje me konkurrencë, duke lejuar që në tregjet kryesore të mos ketë 2 ose 3 kompani siç ndodh, duke ndaluar marrëveshjet për çmimet. A po realizohet kjo? A po e kryen Autoriteti i Konkurrencës funksionin e tij? Sot nga produktet e shportës që na vijnë në tryezë e deri te shërbimet e tjera që lidhen me sigurimet, telefoninë celulare, me karburantet, ne kemi çmime më të larta.

Sepse Autoriteti i Konkurrencës dhe konkurrenca në tregje nuk është e siguruar, sepse kompanitë bëjnë marrëveshje dhe nuk është askush aty për të mbrojtur konsumatorin. Situata në tregjet e kapura dhe në sektorët më të rëndësishëm është kthyer sot në kosto, jo vetëm për tryezat e shqiptarëve, por njëkohësisht edhe për çmimet në sektorët më të rëndësishëm.

Po nëse Autoriteti i Konkurrencës dhe çdo institucion tjetër i pavarur nuk janë atje për të mbrojtur interesin e konsumatorit, për çfarë ekzistojnë ato? Sot konsumatorët shqiptarë janë duke paguar çmime më të larta, po "rripen" në supermarkete, në sigurime, në telefoninë celulare dhe nuk po e marrin shërbimin. Kjo është sfida që i bëra atij institucioni dhe mbeti pa përgjigje!/CNA 





Lajmet e fundit nga