web counter
LEXO PA REKLAMA!

SHKARKO APP

App Store
Google Play

E fundit!

x

Luli, në kërkim të vulës

23 Korrik 2024, 12:41, Politikë CNA
Luli, në kërkim të vulës
Lulzim Basha

Lulzim Basha ka dalë në kërkim të vulës, që e humbi në Gjykatën e Apelit, pasi çështja u shqyrtua me themel.

Basha, i cili është braktisur nga të vetët që prej vendimit të formës së prerë, e ka të vështirë ta pranojë humbjen.

Për këtë arsye ai po përpëlitet dhe po tenton të mashtrojë edhe ata pak veta që i kanë mbetur nga pas.

Kështu Luli ka dalë me tezën se do ta fitojë vulën në Gjykatën e Lartë dhe ka njoftuar se sot do të dorëzojë rekursin.

“Edi Rama dhe Sali Berisha janë bërë bashkë për interesat e tyre, kundër interesave të shqiptarëve. Kjo u pa së pari me votën e deputetëve të Sali Berishës për të liruar të korruptuarit e Edi Ramës përfshirë ata që kanë vjedhur votat e Partisë Demokratike në zgjedhjet e kaluara nga burgu ku ishin dënuar për korrupsion nga SPAK dhe GJKKO, apo ishin në proces të ndjekjes penale dhe u liruan nga amnistia e kaluar në mënyrë okulte dhe e dakordësuar në qoshet e errëta ku dalëngadalë PS e Edi Ramës dhe Rithemelimi i Berishës po shkrihen në një, për shumëkënd po rishkrihen në partinë mëmë nga e cila dolën pas Katovicës së parë. Po kështu ky pakt vazhdoi me vendimin absurd dhe skandaloz të 11 qershorit tashmë të zbardhur dhe që përbën bazën e rekursit që sot Partia Demokratike e Shqipërisë – Demokratët Euroatlantikë dorëzojnë në Gykatën e Lartë, sikundër edhe bazën e akteve të tjera në raport me kontrollin gjyqësor që është ILD në raport me kontrollin penal siç është SPAK dhe në raport me disiplinimin siç është instanca përkatëse siç është KLGJ”, ka theksuar Basha gjatë një konference për shtyp.

Megjithatë, Luli është i vetëdijshëm se po lufton me mullinjtë e erës dhe vulën e ka të humbur./ CNA





Lajmet e fundit nga