web counter
LEXO PA REKLAMA!

SHKARKO APP

App Store
Google Play

E fundit!

x

Seanca e fundit zgjat dy ditë/ PS mbledh grupin, Çuçi: Kodi Zgjedhor në fazë diskutimi

22 Korrik 2024, 15:33, Politikë CNA
Seanca e fundit zgjat dy ditë/ PS mbledh grupin, Çuçi: Kodi
Kreu i Grupit Parlamentar të PS-së, Bledi Çuçi

Grupi Parlamentar i Partisë Socialiste zhvilloi mbledhjen e javës së fundit të këtij sesioni ku është bërë me dije se do të ketë dy seanca parlamentare në datat 25 dhe 26 korrik, përkatësisht të enjten dhe të premten e kësaj jave.

Sipas kreut të Grupit Parlamentar të PS-së, Bledi Çuçi, shtrirja në dy ditë vjen për shkak të numrit të lartë të akteve për çështjet dhe projektligjet që do të diskutohen.

Në rendin e ditës janë parashikuar gjithashtu dy interpelanca me ministrat Gonxhe e Mete, raportet vjetore të disa institucioneve të pavarura, projektligjet “Për Policinë e Shtetit”; “Për rregullimin e prodhimit, tregtimit, kërkimit dhe zhvillimit të armëve, municioneve, pajisjeve dhe teknologjive ushtarake” etj.

Në vijim të mbledhjes Çuçi ka folur edhe për propozimet e Grupit të Dialogut për Reformën Zgjedhore, që janë ende në fazë diskutimi në nivel politik dhe nëse do të ketë dakordësi atëherë këto propozime do t’i paraqiten seancës ditën e premte./ CNA





Lajmet e fundit nga