E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Sot protestë në hyrje të aksit Thumanë-Kashar/ Thirrja e Elda Hotit

24 Korrik 2024, 10:43, Politikë CNA

Sot protestë në hyrje të aksit Thumanë-Kashar/ Thirrja e

Elda Hoti

Deputetja e Partisë Demokratike, Elda Hoti, në një deklaratë nga selia blu njoftoi se sot në orën 18.00, do të zhvillohet një protestë në hyrje të aksit Thumanë-Kashar për traun e ri.

Sipas saj bllokimi i hyrje-daljeve në Thumanë, nga autostrada për në rrugën e vjetër të Fushë-Krujës, është i papranueshëm dhe një vendim i hapur korruptiv.

Ajo u bën thirrje qytetarëve të Krujës, Fushë-Krujës, Kurbinit, Mirditës, Lezhës dhe Shkodrës, t’i bashkohen protestës.

Deklarata e plotë:

Të nderuar qytetarë,

Bllokimi i hyrje-daljeve në Thumanë, nga autostrada per ne rrugen e vjetër të Fushë-Krujës, ështe i papranueshëm dhe një vendim i hapur korruptiv.

Ky vendim që ka bekimin dhe lejen e Belinda Ballukut dhe Edi Ramës, po falimenton më shumë se 1000 biznese që ndodhen ne aksin Thumane-Fushë Kruje. Jo vetëm kaq, por po pengon lirinë e lëvizjes, një nga kolonat kryesore për të cilën studentët, punëtorët dhe intelektualët u ngritën para 32 vitesh.

Ky vendim arbitrar qëndron edhe sot, edhe pse banorët e zonës kanë protestuar dhe e kanë kundërshtuar projektin. Ata janë sot të izoluar me keq se në komunizëm, atyre u duhet të shkojnë në shtëpi apo punë duke i rënë rreth e qark, dhe duke paguar tarifën e babëzisë qeveritare.

Korrupsioni nuk ka sy dhe veshë, por vetëm stomak. Orekli i madh i qeverisë për propaganda, për të thënë se ka shkurtuar kohën e udhëtimit, u zgjat rrugën për në shtëpi banorëve të zonës së Krujës dhe u shkurton jetën bizneseve të tyre të vogla dhge të mesme.

Për Edi Ramën, vetëm bosët e mëdhenj duhet të lulëzojnë; të vegjlit dhe të mesmit “hëngshin kokat e tyre”.

Mungesa e hyrje-daljeve në disa fshatra, si Thumana etj., apo edhe në qytetin e Fushë Krujës, dhe degdisja e banorëve ne disa rruge tretësore, përbën problem jo vetëm për ta por për të gjithë zonën e Veriut.

Zgjidhja e vetme është të paguajnë gjobën e qeverisë.

Kjo është edhe arsyeja e kësaj degdisjeje dhe këtij abuzimi.

Shqiptarët e Kosovës rëndohen edhe më shumë, sepse për të arritur në Tiranë, Durrës apo në Jug, duhet t’i nënshtrohen 2 pagesave të ekzagjeruara dhe korruptive.

Për të kundërshtuar këtë padrejtësi, për t’iu ardhur në ndihmë banorëve të kësaj zone dhe të gjithë udhëtarëve të këtij aksi, qendror për transportin në Shqipëri, si deputete e Partisë Demokratike kam depozituar dje në Kuvend një kërkesë për Interpelancë me Ministren Belinda Balluku.

Ne fajësojmë qeverinë për këtë akt të mirëfilltë klientelist dhe korruptiv.

Ne nuk mendojmë se populli shqiptar ka sot qeverinë që meriton.

Ne jemi partia qeveria e së cilës ndërtoi rrugë, por nuk u kërkoi tri herë taksë shqiptarëve.

Sic e kemi dëshmuar kaq here, ne do të rezistojmë edhe për këtë padrejtësi në kurriz të banorëve të rrethit të Krujës dhe të gjithë shqiptarëve.

Sot, në ora 18.00, do të mblidhemi në hyrje të aksit Thumanë-Kashar për të protestuar për traun e ri që ndan shqiptarët nga shqiptarët, që ndan të pasurit nga të varfrit, që ndan hajdutët nga punëtorët.

Ftoj qytetarët e Krujës, Fushë Krujës, Kurbinit, Mirditës, Lezhës dhe Shkodrës, t’i bashkohen protestës. Mos u anko në Facebook për padrejtësitë, por eja ngrije zërin te vendi i padrejtësisë! O sot, o kurrë!/CNA