web counter
LEXO PA REKLAMA!

SHKARKO APP

App Store
Google Play

Bledi Çuçi, avokati i radhës i Veliajt

24 Korrik 2024, 12:43, Politikë CNA
Bledi Çuçi, avokati i radhës i Veliajt
Kreu i Grupit Parlamentar të PS-së, Bledi Çuçi

Kreu i Grupit Parlamentar të PS-së, Bledi Çuçi, ka bërë avokatinë e kryebashkiakut të Tiranës, Erion Veliaj, i cili është nën hetim dhe i janë arrestuar disa drejtorë e zyrtarë për aferën e inceneratorit të Tiranës dhe për dosjen “5D”.

Duke injoruar korrupsionin e drejtorëve të Veliajt, Çuçi shprehu mbështetje për kryebashkiakun e Tiranës.

Ai pretendoi se Veliajn nuk e bën pis asnjë lloj balte dhe e cilësoi si kryetarin e bashkisë më të suksesshëm që ka pasur Tirana dhe PS në këto vite.

“Erion Veliaj është kryetari i bashkisë më i suksesshëm që ka pasur Tirana dhe PS në këto vite. Transformimi historik i Tiranës është një realitet që nuk mund ta bëjë pis asnjëlloj balte që mund të hidhet mbi figurën e kryetarit. Ne jemi të nderuar që kemi zgjedhur nga gjiri ynë apo nga pjesa jonë një kryetar bashkie që nderon jo vetëm Tiranën po përtej Shqipërisë, çdo socialist apo çdo tirons, me vepra dhe jo me fjalë. Çështjet e tjera janë çështje që lidhen me sektorët ligjzbatues. Grupi i PS i jep mbështetjen absolute Veliajt”, u shpreh ai në një konferencë me gazetarët.

I pyetur nëse Veliaj është edhe më i suksesshëm se kryeministri Edi Rama, i cili ka qenë gjithashtu kryebashkiak, Çuçi ndryshoi qëndrim.

“Jo në këto vite thashë... që kur qeverisim së bashku dhe në nivel qendror dhe lokal”, deklaroi kreu i Grupit Parlamentar të PS-së.

Gjithashtu, ai u pyet nga gazetarët nëse e nderon arrestimi i drejtorëve të Verliajt, pas mburrjes që bëri për këtë të fundit.

“Nuk na nderon arrestimi i drejtorëve, por duhet të presim të mos nxitohemi të presim fjalën e fundit të drejtësisë”, theksoi Çuçi./ CNA





Lajmet e fundit nga