web counter
LEXO PA REKLAMA!

SHKARKO APP

App Store
Google Play

E fundit!

x

Grupi i PS-së i bashkohet organizatës kriminale të dosjes “5D” dhe inceneratorëve

24 Korrik 2024, 16:04, Politikë REDAKSIONALE
Grupi i PS-së i bashkohet organizatës kriminale të dosjes
Bledi Çuçi dhe Erion Veliaj, burimi i fotos: LSA

Sot kreu i grupit parlamentar të PS-së, Bledi Çuçi, bashkoi atë që dikush nuk e besonte, grupin parlamentar të Rilindjes, të PS-së, me Erion Veliajn.

Dy anët, e para, një largim nga politika i Veliajt me një mbështetje maksimale nga socialistët, pra kryeministri, tregon se i ka dhënë komisionin që do me Xhafën, e mbështet me grupin parlamentar publikisht, e paprecedentë kjo e Çuçit sot dhe më pas Erion Veliaj merr kolpon politike brenda PS-së.

Pra, një dalje me lezet të mbështetur politikisht, por s’kishim ç’të bënim më shumë sesa kaq, more më shumë se çdokush tjetër.

Ose një mbështetje e plotë ndaj Erion Veliajt si variant i dytë që tregon se tek inceneratori dhe dosja “5D” nuk është thjesht dhe vetëm kryetari i organizatës së drejtorëve hajdutë apo njeriu që ka drejtorët e tij me firmë tek inceneratori i Tiranës, por rreth 60 milionë dollarë të ardhura më shumë për kompaninë e Mirel Mërtirit dhe Klodian Zotos, ku Erion Veliaj thotë se ai thjesht dhe vetëm ka zbatuar një kontratë shtetërore, nuk është ai përgjegjësi.

Në fakt është ai që e ka aktivizuar dhe drejtorët e tij që kanë firmosur të ardhura për miliona euro dhe lali nuk dinte asgjë. Ata ishin ish-zyrtarë, ish-drejtorë, në fakt ishin të gjithë drejtorë dhe jemi përballë faktit dhe tashmë Bledi Çuçi të gjitha gjëmat dhe bëmat e Erion Veliajt i merr në mbrojtje.

Kryetari është i mirë dhe duan ta bëjnë pis.

Në fakt askush nuk po e bën pis Erion Veliajn, thjesht dhe vetëm i kanë nxjerrë dokumente pafund që tregojnë lidhjet e tij me çështjen e inceneratorëve dhe dosjen “5D”.

Taulant Tusha është në pranga për inceneratorin e Tiranës apo dhe për dosjen “5D”, për akuza shumë të thjeshta se i njihte personat, i kishte kolegë, favorizim në tenderë, thuhet pra, minimalisht shpërdorim i thjeshtë detyre për Taulant Tushën, por është pas hekurave, ndërsa Erion Veliaj që të gjithë drejtorët i kishte vartës dhe firmosnin dhejtëra miliona euro apo dhjetëra miliona euro të tjera paguheshin për inceneratorin e Tiranës që nuk ekziston dhe Çuçi këtë e di dhe Erion Veliaj është i lirë.

GRUPI I PS-së U BË PJESË E NJË ORGANIZATE KRIMINALE NË HETIM NGA SPAK-u

Ndaj sot ajo që mësuam ishte mjaft e thjeshtë. Grupi parlamentar i PS-së u bë pjesë të paktën e grupit të strukturuar kriminal të inceneratorëve si bashkëpunëtorë, avokat mbrojtës i tyre, grupi parlamentar i PS-së u bë avokati mbrojtës dhe bashkëpunëtori në krim i dosjes “5D” përveç Erion Veliajt pasi bashkëpunimi te teatri është një akt tjetër apo dhe te shembjet e pallateve në kryeqytet është një akt tjetër për të cilët Çuçi ende nuk flet.

Ndaj në çdo drejtim që ta shohësh sot grupi parlamentar i PS-së u bë pjesë e një organizate kriminale nën hetim nga SPAK-u dhe mori në mbrojtje të pambrojtshmit duke thënë se hidhet baltë.

Atëherë Bledi Çuçi duhet të lexojë mbi 1200 faqe dokumente dhe fakte të nxjerra nga mediat apo dhe nga politika, pa folur për mijëra të tjera që ka SPAK-u për veprime dhe mosveprime apo shpërdorimin e detyrës të provuar të Erion Veliajt, i cili prej 5 vitesh apo më shumë, edhe pse çështja e inceneratorit të Tiranës është denoncuar nuk ka vepruar, përkundrazi ka shkatërruar Njësinë e Zbatimit të Projektit dhe ky është një fakt.

Edhe shpërdorimi i detyrës është një fakt që Bledi Çuçi e di shumë mirë, por në vend që të bëjë rolin e një politikani qytetar bën shërbëtorin e Erion Veliajt duke futur grupin parlamentar të partisë në organizatën kriminale të inceneratorëve dhe dosjes “5D”, një shërbim i mjerë i burrit të dytë të gruas së tretë që merr në mbrojtje të pambrojtshmin.

Ndoshta e ka të vështirë të bëjë ndryshe përtej politikës, moralit të pamundur apo fakteve që shumë shpejt do t’i djegin sytë dhe ndoshta do të kërkojë të falur, por tashmë ai e identifikoi grupin parlamentar të PS-së me grupin e strukturuar kriminal të inceneratorëve apo me organizatën e hajdutëve të drejtorëve të “5D” që kanë pasur dhe kanë kryetar Erion Veliajn./ CNA

 





Lajmet e fundit nga