web counter
LEXO PA REKLAMA!

SHKARKO APP

App Store
Google Play

Erion Veliaj nuk të lë të vdesësh

3 Korrik 2024, 13:47, Aktualitet CNA

Kreu i Bashkisë së Tiranës, Erion Veliaj, që është vetëquajtur edhe zdroms, nuk të lë as të vdesësh. Mezi pret ceremoni të ndryshme, mes tyre edhe mortore, që të bëjë "show"-n e radhës.

Nuk e ndalon asgjë, por sapo ndodh diçka e rëndësishme, ndërton skenarët dhe nis aktrimin.

Ai njihet për propagandën e tij, por në homazhet që u zhvilluan në Teatrin Kombëtar të Operës dhe Baletit për ndarjen nga jeta të Ismail Kadaresë, kaloi çdo fantazi. 

Veliaj parakaloi 3 herë në sheshin "Skënderbej" për të shfrytëzuar situatën. Njëherë u shfaq me disa persona të tjerë teksa po shkonte te TKOB-ja për të marrë pjesë në homazhet për shkrimtarin. 

Erion Veliaj nuk të lë të vdesësh

Herën tjetër eci në shesh krah vajzave të Kadaresë, duke i shoqëruar këto të fundit.

Erion Veliaj nuk të lë të vdesësh

Më "brilanti" ishte parakalimi i tretë, ku i veshur me kostum dhe me syze dielli, mori për krahu Helena Kadarenë, bashkëshorten e shkrimtarit të njohur.

Erion Veliaj nuk të lë të vdesësh

Me këtë veprim të tij, Veliaj tentoi të jepte mesazhin për afrimitetin që mund të ketë me familjen e shkrimtarit, duke u shfaqur si "djali i shtëpisë" së Kadaresë. Ai u shfaq edhe si i pikëlluar dhe i qëndronte afër bashkëshortes së Kadaresë. 

Si gjithmonë, edhe këtë herë Veliaj nuk kurseu propagandën edhe në momente kaq delikate, ku familjarët e të ndjerit po kalojnë ditë të vështira. 

Veprimet dhe sjelljet e tij tashmë kanë kaluar në neveri. Ka hall të madh dhe "nuk di nga t'ia mbajë", pasi është nën hetim nga SPAK-u. Në grahmat e fundit, po zvarritet dhe po përpiqet që të gjejë mënyra se si të pastrojë figurën e tij, por këtë herë punët nuk i ka mirë me drejtësinë. 

Mesa duket SPAK-u e ka bërë që të kërcejë nga belaja, pasi vijojnë hetimet për megaaferën e inceneratorëve dhe dosjen “5D”. Këto dosje voluminoze i kanë futur tmerrin Veliajt./CNA 





Lajmet e fundit nga