E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kur SPAK-u bën Veliajn të kërcejë nga belaja

3 Korrik 2024, 12:44, Aktualitet CNA

Hetimet e SPAK-ut për megaaferën e inceneratorëve dhe dosjen “5D” i kanë futur tmerrin kryebashkiakut të Tiranës, Erion Veliajt. Sjellja e tij ka kaluar në neveri.

Rasti i fundit ishte të mërkurën në homazhet për gjeniun e letërsisë shqipe, Ismail Kadare, ku Veliaj u shfaq papritur duke shoqëruar bashkëshorten e shkrimtarit. Kjo nuk mund të konsiderohet paraqitje serioze apo sipas protokollit, model që ndoqën zyrtarët e tjerë të lartë. (lexo këtu)

Erion Veliaj dhe Helena Kadare

Por Veliaj, edhe në këtë moment delikat, nuk e kurseu propagandën. Nuk është ky rasti i vetëm. Në datën 1 maj, një ditë pasi prokurorët e SPAK-ut e morën në pyetje për rreth 7 orë në lidhje me aferën e inceneratorëve, Veliaj i frikësuar nga drejtësia, mori lopatën e nisi të mbillte pemë.(lexo këtu)

Gjatë një takimi me punonjës të Bashkisë së Tiranës, Veliaj i kërkoi SPAK-ut të mos e arrestojë derisa të mbyllë mandatin si kryebashkiak.

“Do ta mbyll këtë mandat të fundit timin me 2 milionë pemë për qytetin e Tiranës dhe kush të dojë të vijë t’i numërojë, po kush është burrë dhe kush është zonjë nuk merret me numërime dhe duke sharë njerëzit, por merr lopatën e merr fidanin, e mbjell dhe thotë unë dhashë kontributin tim për Tiranën”, tha Veliaj.

Në 22 qershor, Veliaj bëri shfaqjen teatrale të radhës me skuadrën e Partizanit, ku i dha shpërblimin për fitoren e kampionatit një vit më parë këtë vit, ku Egnatia fitoi kampionatin. Por edhe në këtë “show” të orkestruar mori atë që meritonte, pasi u bojkotua nga drejtori i Klubit Sportiv Partizan, Olsi Rama.(lexo këtu)

Një tjetër rast, që tregon panikun e Veliajt nga burgu, veshi dorezat dhe nisi të mblidhte plehrat me duar. Çfarë mund ta detyronte kryebashkiakun të mblidhte plehrat, kur paguan rreth 35 milionë euro në vit për pastrimin, landfillimin dhe incenerimin e tyre. (lexo këtu)

Kur SPAK-u bën Veliajn të kërcejë nga belaja

Erion Veliaj me doreza duke mbledhur plehrat në Tiranë. Burimi: Facebook

Në fakt inceneratori i Tiranës nuk ekziston, nuk dihet ende se ku kanë shkuar milionat e eurove nga taksat e qytetarëve të varfër. Veliaj ka kohë që e ndien frikën e prangave.

Më 15 shkurt, ai takoi "rastësisht" edhe Sekretarin Amerikan të Shtetit, Antony Blinken, pranë Piramidës. Gjithçka e shiti si rastësore, por ishte e mirëplanifikuar nga ai, pikërisht pak muaj pasi disa nga drejtorët e bashkëpunëtorët e tij u arrestuan nga SPAK-u për aferën e inceneratorëve dhe "5D"-në. (lexo këtu)

Antony Blinken dhe Erion Veliaj

Këto janë vetëm disa raste, por propaganda e kryebashkiakut vijon çdo ditë, shfrytëzon çdo rast, kërkon të marrë vëmendje, të bindë që është i pafajshëm, kur faktet e provat flasin kundër tij.

Veliaj vijon përpjekjet e fundit, teksa ka mbetur i vetëm, pasi socialistët dhe kryeministri Rama e kanë braktisur. Madje ky i fundit, sigurohet ta fshijë nga çdo foto me Veliajn.

Bela e madhe e ka gjetur kryebashkiakun nga SPAK-u, që vetëquhet zdroms, i cili po kërcen e s’po shpëton, sa dhe të vdekurit si lë rehat në varrim, po u parakalon tri herë./CNA