web counter
LEXO PA REKLAMA!

SHKARKO APP

App Store
Google Play

E fundit!

x

Neveria e pandalshme e Veliajt

3 Korrik 2024, 09:59, Aktualitet CNA

Një foto e shkrepur mëngjesin e sotëm në sheshin "Skënderbej" në kryeqytet tregon qartazi neverinë e pandalshme të kreut të Bashkisë së Tiranës, Erion Veliaj. 

I veshur me kostum dhe me syze dielli, Veliaj mori për krahu Helena Kadarenë, gruan e shkrimtarit të njohur Ismail Kadare, teksa po shkonin për të marrë pjesë në homazhet që po zhvillohen për shkrimtarin në Teatrin Kombëtar të Operës dhe Baletit. 

Me këtë veprim të tij, sot mësuam se Veliaj është "djali i shtëpisë" së Kadaresë, pasi është shfaqur krah familjarëve të kolosit të letërsisë shqipe. Jo vetëm kaq, ai është shfaqur edhe si i pikëlluar dhe i ka qëndruar shumë afër gruas së Kadaresë. 

Veliaj nuk kursen propagandën edhe në momente kaq delikate, ku familjarët e të ndjerit po kalojnë ditë të vështira. 

Neveria e pandalshme e Veliajt
Erion Veliaj dhe Helena Kadare

Por, kryebashkiaku, i cili vetëquhet zdroms, është bërë kaq i neveritshëm nga halli i SPAK-ut, pasi është nën hetim. 

Përpiqet që të mos i shpëtojë asgjë, asnjë moment, për ta shfrytëzuar me qëllim që të pastrojë figurën e tij, sepse është në "ditë të hallit" dhe punët nuk i ka mirë me drejtësinë. 

Nuk është hera e parë që Veliaj përgatit "show"-n e radhës. Më 15 shkurt, ai takoi "rastësisht" edhe Sekretarin Amerikan të Shtetit, Antony Blinken, pranë Piramidës. 

Gjithçka e shiti si rastësore, por ishte e mirëplanifikuar nga ai, pikërisht pak muaj pasi disa nga drejtorët e bashkëpunëtorët e tij u arrestuan nga SPAK-u për aferën e inceneratorëve dhe "5D"-në./CNA 

 

 





Lajmet e fundit nga