web counter
LEXO PA REKLAMA!

SHKARKO APP

App Store
Google Play

E fundit!

x

FOTO/ 34 vite nga hyrja e shqiptarëve në ambasada, si nisi eksodi i madh

2 Korrik 2024, 12:10, Aktualitet CNA
FOTO/ 34 vite nga hyrja e shqiptarëve në ambasada, si nisi eksodi i
Hyrja e shqiptarëve në ambasada, foto e marrë nga Google

34 vite më parë, më 2 korrik të 1990, shqiptarët mundën të mposhtin frikën dhe të mësynin në ambasadat e huaja. Kështu ata lanë gjurmë, duke krijuar atë që quhet sot eksodi i madh i shqiptarëve. 

Hyrja në ambasada ishte goditja e fundit e regjimit të Byrosë Politike në Shqipëri, duke u hapur mijëra vetave portën e lirisë. Shqiptarët u dyndën drejt ambasadave të vendeve të BE-së me shpresën për të gjetur lirinë e munguar prej më shumë se 40 vitesh. 

Kjo lëvizje disa muaj më vonë u pasua edhe me protestat e studentëve dhe starti i pluralizmit politik.

Nga statistikat ka rezultuar se vetëm në 2 javët e para të muajit korrik u larguan 4.691 persona. Kështu, u larguan 550 persona që kishin hyrë në ambasadën franceze, 3300 veta që kishin hyrë në ambasadën gjermane, 812 veta që kishin hyrë në ambasadën italiane, dhe 29 persona që kishin hyrë në ambasadën greke. Anijet i prisnin në Durrës, ndërkohë që largimi u bë në mbrëmje, pak para orës 22:00, për të shmangur praninë e shumë njerëzve në rrugë.

Të gjithë personat që kapërcyen muret e ambasadave përjetuan momente shumë të vështira, sepse u ndanë nga të afërmit e tyre pa e ditur për sa kohë dhe pa ditur se cili do të ishte fati i tyre.

Madje kishte edhe nga ata që patën presionin edhe nga familjarët që të mos futeshin në ambasada. 

Hyrja në ambasada, tanimë mund të cilësohet edhe si akti më i fuqishëm i revoltës së rinisë së Tiranës në vitin ‘90 kundër regjimit më të izoluar të Evropës Lindore./CNA 

 





Lajmet e fundit nga