web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Ismail Kadaresë/ Berisha: Dielli perëndoi përgjithmonë për gjeniun botëror

1 Korrik 2024, 12:19, Aktualitet CNA
Ndarja nga jeta e Ismail Kadaresë/ Berisha: Dielli perëndoi
Sali Bersha

Në një postim në rrjetet sociale, ish-kryeministri Sali Berisha shkruan se dielli perëndoi përgjithmonë për gjeniun botëror të letrave, Ismail Kadare.

Ai u shpreh ngushëllimet familjarëve dhe miqve të Kadaresë dhe thekson se gjeniu botëror i letrave shqipe, njëri prej shkrimtarëve më të mëdhenj të kohës, mbylli sytë përgjithmonë për të mbetur përjetë i pavdekshëm në Olimpin e veprave të tij.

Reagimi i plotë: 

Dielli perëndoi përgjithmonë për gjeniun botëror të letrave, Ismail Kadare. Të dashur miq, sot mort, zi dhe dhimbje për mbarë kombin shqiptar. Ismail Kadare, gjeniu botëror i letrave shqipe, dhe njërit prej shkrimtarëve më të mëdhenj të kohës, mbylli sytë përgjithmonë për të mbetur për jetë i pavdekshëm në olimpin e veprave të tij.
Laureat i çmimeve me prestigjoze të letrave si Man Booker, Prince des Asturies, Jerusalem Prize, veprat e Ismail Kadares u përkthyen në rreth 45 gjuhë të botës.

Në kohërat më të errëta të regjimit hoxhist kur me një varg apo poezi mund të hapje varrin tënd, me gjithë konformizmin që kishte si alternativen me te mire burgun dhe internimin, Ismail Kadare arriti të dalë nga shtrati i Prokrustit me vepra si “Pallati i Ëndrrave” etj për të cilat regjimi e censuroi për vite të tëra.

Në vitin ‘90 Ismail Kadare ishte një avokat i lirive dhe të drejtave të njeriut dhe hapjes së Shqipërisë. Ai pas largimit nga Shqipëria, nga mërgimi në Paris mbështeti Lëvizjen Studentore dhe Revolucionin Demokratik që përmbysi diktaturën komuniste në Shqipëri.

Duke u përulur me nderimin më të madh dhe mirënjohjen më të thellë para kujtimit dhe veprës të ndritur të Ismail Kadares, shpreh ngushëllimet e mia më të ndjera familjes së tij të nderuar miqve, të afërmëve dhe lutem së bashku me ta që shiprti i madh i tij të prehet në paqen e merituar. Amin!

Shkrimtari Ismail Kadare ndërroi jetë në moshën 88-vjeçare nga shkaqe natyrale.

Familjarët e kanë gjetur të pajetë në banesën e tij në orët e para të mëngjesit të së hënës. Ata kanë lajmëruar urgjencën e QSUT-së, por nuk mundën t'i vinin në ndihmë kolosit të letrave shqiptare. 

Ismail Kadare ka lindur në Gjirokastër më 28 janar 1936.

Ai ka qenë akademik, politikan, ish-deputet i Kuvendit Popullor dhe një ndër shkrimtarët më të mëdhenj bashkëkohorë.

Si shkrimtar është shquar kryesisht për prozë, por kontributi i tij shtrihet edhe në dramaturgji, poezi dhe përkthime. Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë, duke u bërë prozatori kryesor shqiptar./CNA 

 





Lajmet e fundit nga