web counter
LEXO PA REKLAMA!

SHKARKO APP

App Store
Google Play

"Ndahet nga jeta gjiganti i letërsisë shqipe"/ Mediat ndërkombëtare, shkrime për Kadarenë

1 Korrik 2024, 11:17, Aktualitet CNA
"Ndahet nga jeta gjiganti i letërsisë shqipe"/ Mediat
Ismail Kadare, foto e marrë nga Google

Mediat ndërkombëtare, si "The Guardian", "Le monde", "AP" kanë publikuar lajmin e ndarjes nga jeta të shkrimtarit të njohur shqiptar Ismail Kadare. 

"Vdiq në moshën 88-vjeçare romancieri shqiptar me famë botërore, Ismail Kadare", është titulli i "AP".

Teksa e quan një shkrim të arrirë, "AP" nënvizon se Kadareja është vlerësuar me një sërë çmimesh ndërkombëtare për veprat e tij, të cilat përfshinin më shumë se 80 romane, drama, skenarë, poezi, ese dhe koleksione tregimesh të përkthyera në 45 gjuhë.

Ndërkohë media e njohur franceze "Le Monde", ka në faqe të parë lajmin me titull: "Ndahet nga jeta në moshën 88-vjeçare shkrimtari i njohur shqiptar Ismail Kadare". 

Për kolosin e letrave shqiptare ka shkruar edhe "The Guardian", ku si titull të lajmit ka vendosur, "Ndahet nga jeta në moshën 88-vjeçare Ismail Kadare, gjiganti i letërsisë shqipe". 

Letërsia shqiptare, dhe jo vetëm, është në zi.

Në orët e para të së hënës është shuar në banesën e tij në Tiranë korifeu i letrave shqipe, Ismail Kadare. Ai u nda nga jeta në moshën 88-vjeçare nga shkaqe natyrale, duke lënë pas një krijimtari të rrallë. 

 





Lajmet e fundit nga