E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Maqedonia e Veriut reagon ndaj rezultateve të Censit 2023: Shqetësuese, nuk pasqyrojnë numrin real të maqedonasve në Shqipëri

29 Qershor 2024, 22:33, Aktualitet CNA

Maqedonia e Veriut reagon ndaj rezultateve të Censit 2023:

Foto Ilustruese. Burimi: Google

Një ditë pas publikimit të të dhënave të Censit 2023, në Shqipëri, ka ardhur dhe reagimi i Maqedonisë së Veriut, me pretendimin se nuk pasqyrojnë numrin real të shtetasve maqedonas. Ministria e Punës dhe Tregtisë së Jashtme, shprehet se “po i përcjellim me shqetësim serioz”.

“Parregullsitë teknike në mënyrën e realizimit të të njëjtit, në të cilat vazhdimisht alarmuan shoqatat maqedonase në Republikën e Shqipërisë në prag të Regjistrimit, por edhe gjatë realizimit të tij rezultuan me publikimin e të dhëna preliminare, të cilat për fat të keq nuk e pasqyrojnë në mënyrë adekuate numrin real të maqedonasve në vend”, thuhet mes tjerash në reagim.

Në reagimin e saj ministria shpreh shqetësim edhe ndaj përdorimit të termit “verior-maqedonasit”.

“Në mënyrë shtesë, Ministria shpreh pakënaqësi dhe reagon ashpër ndaj përdorimit të termit “verior – maqedonasit” dhe përdorimi i emrit të shtetit si emër i shoqërisë etnike.

Ministria do të thërrasë ambasadorin Danço Markovsk për konsultime urgjente në drejtim të përkufizimit të mangësive dhe parregullsive në këtë proces, shqyrtimin e mundësive për korrigjim adekuat të lëshimeve të bëra dhe gjetjen e mënyrave më adekuate për veprim të përbashkët dhe avancimin e raporteve bilaterale me Republikën e Shqipërisë”, shkruan mes tjerash nga MPTJ-ja.

Premtojnë se do të ndërmarrin hapa konkret për t’i kushtuar vëmendje më të madhe zhvillimit të maqedonasve në Shqipëri, pasi siç thonë, “u lanë anësh nga garnitura politike paraprake” në Maqedoninë e Veriut.

“Të gjitha çështjet e hapura mes dy shteteve fqinje duhet të zgjidhen nëpërmjet dialogut e kuptimit të ndërsjellë dhe respektimit të rregullave, parimeve dhe vlerave të përparimit të drejtë ndërkombëtar”, përfundojnë nga MPTJ-ja e Maqedonisë së Veriut./CNA