web counter
LEXO PA REKLAMA!

SHKARKO APP

App Store
Google Play

E fundit!

x

Argita Malltezi kundër Gazment Bardhit: Jo kryeministër nga Diaspora

28 Qershor 2024, 21:55, Aktualitet CNA
Argita Malltezi kundër Gazment Bardhit: Jo kryeministër nga Diaspora
Argita Malltezi

Argita Malltezi ka kundërshtuar idenë e Gazment Bardhit për një kandidat për kryeministër nga Diaspora.

Sipas Malltezit është një eksperiment i patestuar por i rrezikshëm, pasi për shkak të masave represive të Ramës me të gjitha format e bën të pamundur një gjë të tillë.  

“Mendoj që është një eksperiment i patestuar, por edhe i rrezikshëm në një farë mase, sepse vlerësimi me realizëm i situatës autokratike në të cilën ndodhet Shqipëria, i eliminimit të zgjedhjeve të lira, për shkak të masave represive të Ramës me të gjitha format, me drejtësinë, në kapjen e financave publike etj, e bën të pamundur një gjë të tillë, sado që është një ide shumë e mirë.

E kam dëgjuar idenë, por kam menduar se bëhet fjalë për një kryeministër pas fitorës së zgjedhjeve, sepse atëherë, kuptohet që është fare e mundur si alternative”,  është shprehur Malltezi në një intervistë televizive.

Sa i përket kandidimit të Sali Berishës për kryeministër, duhet të vendoset me Referendum.  

 “Normalisht, personi  që udhëheq fushatën, është kandidati për kryeministër. Sali Berisha, në një xhest unik, ka thënë se pas fitores në zgjedhje do t’u japë mundësinë shqiptarëve me referendum për të zgjedhur, nëse duan që ai të jetë ose jo kryeministër. Mendoj që ka një mazhorancë absolute ndër shqiptarë që, e duan apo jo Berishën, janë të bindur se Sali Berisha nuk bën pazare në luftën kundër Edi Ramës, që ai qëndron në betejë deri në fund, që e çon fushatën deri në fund sipas interesit të popullit opozitar dhe besoj se kjo është një bazë e mirë për t’i besuar atij udhëheqjen e fushatës elektorale, qoftë edhe nga arresti i shtëpisë”, tha Malltezi./ CNA





Lajmet e fundit nga